[معلومات العضو هادي الخضراني]

اعظاء هذى الموقع اسعد الله اوقاتكم بكل خير يسرني المشاركه معكم بهذه القصيده للشاعر محمد بن محسن بن حشفل الخضران والذي سوف ازودكم بما اجد من قصائده وغيره من الشعراء دمتم سالمين

الجيب شاريه لي ماهوب للبيع=ماصخيه باغلا ثمن للي يسومه
أنا معه بالغلا ماسمع ولا اطيع=الله على موقفه ما أطيب علومه
أبغي إلى جات سجات المرابيع=يوسع الصدر ويبعّد همومه
أذخر لزومه لحزات المطاليع=لا ودّع القيظ وانكفت انجومه
ثم قام يصفق من الغربي ذعاذيع=في كل ٍ ليلٍ مراويحٍ ٍ غيومه
نأخذ من أفراح دنيانا تناويع=والوقت لو شح يوم ٍ ما نلومه
أللوم ينصى قليلين المنافيع=واللي على الطيب ما تقوى عزومه
جربت أنا الناس في بعض المواضيع=واخترت لي منهج ٍ نفسي ترومه
ردعت مارخيت للنفس المصاريع=النفس من بعض الأشخاص محشومه
واخترت عنهم بعيدين المراميع=كل ابلج ٍ بالوفاء تعرف سلومه
بالذات من رفقته فخر ٍ وتشجيع=اعتز لو كان ما قومي بقومه
والفضل لله رزاق المجاويع=مغني نفوس ٍ من الخير محرومه
ثم فضل شيخ ٍ مواقيفه مفازيع=على الخوي دايم ٍ يظفي كمومه
شيخ ٍ يسوقه على الفزعة دوافيع=مزبان من يعتزيبه في لزومه
وأنا أعتبر رفقته راس المطاميع=وأقول ياجعلني ما ذوق يومه