ياكبر قلبك .. فيه الاحباب بالكوم
....... طبعك غريب وحالتك ما لها حلّ
احبابك امس اكثر من احبابك اليوم
....... بكره تغيرهم وتشطب على الكلّ
ماني مطولها معاتب وتلزوم
....... على رجا .. يمكن .. وبلكي.. وَلا علّ
عَلّ بسماك .. وطارد اقمار ونجوم
....... وانسَلّ من قلبي. وشف وين تحتلّ
حبوب وملكّع وحالي ومهضوم
....... ياما وراك قلوب تخضع وتنذلّ
لا لاتراعي خاطري.. مانت ملزوم
....... انا بعد مثلك اذا خاطري ملّ
ابيع باول سوم والا بلاسوم
........ حول الكرامه يختلف حلّ عن حلّ
منقول