السلام عليكم ورحمة الله وبركاته :
لتجديد التواصل :
الأخ الشاعر عبدالرحمن بن هذال آل دحيم الشكره قال العام الماضي
قصيدة أعجبتني بفلسفتها الشعرية فجاريتها :
يقول أبوهذال :
يا أهل القصيد السمح مـا مـن قصيـدة=تـــــراود أفـــكـــاري عـــلـــى شــــــيْ مــعــتــاد
والــفـــكـــرة ان قــلـــنـــا عــلــيــهـــا حـــمـــيـــدة=يــســابـــقـــك فـــيـــهــــا ثــمــانـــيـــن قـــــصـــــاد
لــــو كــــل شــاعــر يــاتـــي بْــمـــا يـجــيــده=فــــقـــــط ولا يــــرغـــــم خـــيـــالـــه بِــــمـــــا زاد
لا بــــــــد مــــــــن يــــــــومٍ يــــــــذبّ الــفـــريـــدة=ويــجـــيـــك مــكـــنـــوزه حــقــيــقــي ومــنـــقـــاد
ون كان ما لك في الشعر من طريدة=يكفيـك حفـظ أبيـات لـو مـا هـي جْــداد
هـــذي هـــي عـلـومـي والأريـــا الـسـديــدة=دور عــلــيــهــا عــــنــــد بــــاحــــث وفــــنّـــــاد
الــــلـــــي ولا تـــلـــقــــى وراهــــــــــم شـــــريـــــدة=أهــــل الـنـظـروالـعـرف نـطــاقــة الــضـــاد
وأنــــا عــلــي نــــذرٍ مــــا اجــيــب الـبـلـيـدة=أخــــــاف مــــــن هــجــمــة مـــذيـــل ونـــقـــاد
ان كــــان مــــا جــــات الـقـوافــي مـجـيــدة=ولا لـشـقــقــهــا عــــلــــى روس الاشــــهـــــاد
أصـــوغــــهــــا وألـــفّــــهــــا فـــــــــــي نـــشــــيــــدة=مـن طـرق أبـو فــراس والـصـوت غــرّاد
وهذه مجاراتي , والحقيقة أني ذكرت فيها أسماء يفترض ألا تذكر ولكن
كان للشيخ سعود الشريم قصيدة منتشرة تلك الأيام فيها بعض هذه الأسماء
فكأني استسغت الأمر حينها :
قولوا لأبوهذال يظهر جديده=ماينبغي دفن الجواهر تعمّاد
في جوف غبّات البحور البعيدة=وجهة نظره الفاحصة تكشف أبعاد
معه أتفق وأقول قوله وأعيده=وأنا مع الهاجوس سرداد مرداد
الشعر نوعيّة و(كيف) وعقيدة=ماهوب في (كمّ) القوافي والأعداد
تكفي من (الشاعر) قصيدة وحيدة=تنسف دواوين (القواصيد) الأوغاد
كيلو ذهب مافيه قطعة حديدة=أنفس من أطنان الخشب فوق الأنفاد
الشعر يشكي من تخاذل عضيده=ماعاد له ناصر ولاعنه نشّاد
في ساحته جرحى وناسٍ شهيدة=يلفّها حزنٍ مثل حزن (بغداد)
عقب الخلافة والعصور الرشيدة=تفرعنوا فيها الروافض والأكراد
كل يبي الشهرة ولو بالنقيدة=سواة الأعرابي بزمزم وهو غاد
أحدٍ قصيده لأجل يرفع رصيده=منافقٍ باع الكرامة بالأقصاد
وأحدٍ بمكياجه يلمّع خديده=لانانسي عجرم ولابنت حدّاد
شراذمٍ مافيهم اللي وليدة=يامال فرقا العين ياأمراض الأكباد
الشعر شعر اللي حياته نكيدة=يكنّ عبراتٍ تهبّد تهبّاد
حتى يصبّ القافية من وريده=في راس مرجومٍ وفي نازح بْلاد
..