ما كل رجل(ن) لما جات اللوازم يقوم الا انت والي مثل شرواك يا بوسعيد =انتو هل المدح وتعدون من روس قوم من لابة ما يراح لهم غريم وطريد = دواسر في اللقى حرابهم ماينوم تشهد له الناس والتاريخ والله شهيد= يا محمد الدوسري جيتك وعندي علوم من يوم بينتها فافعل على ماتريد = يا سعدهم لا قبلو في برد والا سموم لا جاو من طرقة باقي مداهم بعيد = رحبت ترحيبة تجلى العمس والهموم وشبيت ضوء تشابه مثل شبة وليد = وهيل وبن يقدم والمداخن تعوم في مجلس دايم راعيه طيبه يزيد = وصينيتين معودها على ام الشحوم وذبح الغنم عندكم يالدوسري يوم عيد =اقبل سلامي ووده لا ال جزوا عموم تحية للرجال الي نظرهم بعيد = سلم عليهم عدد ماهل وبل الغيوم وعداد ما لاحت الورقى ب خضر الجريد =
الشاعر/محمد بن سالم العجل ال شايب القحطاني