[معلومات العضو هيفاء]

[size=4]مسا الخير

هاذي اول مشاركه لي بالمنتدى وهي عباره عن قصيده غنائيه واتمنى انها تحوز على

إعجابكم قلت فيها:

علامك حيل متضايق؟
وعلامك منته برايق؟
ياكبره حيل هو الفارق
(( تكلم يابعد عمري ))

علامه خافتٍ صوتك؟
ترى عذبني سكوتك
أنا فرحك أنا قوتك
(( وإنت الغالي لوتدري ))

وش اللي يدور في بالك؟
وش اللي غير أحوالك؟
لاتقطع يالوفي وصالك
(( وتشتت قلبي وفكري))

تكلم قول جاوبني؟
وش اللي فيك علمني؟
سكوتك حيل يتعبني
(( ويزيد الهم في صدري ))

أبد مابنسى هاليله
تعبت ومابقت حيله
حبيبي وش اسويله
(( نفذ صبري.. نفذ صبري )) [/size]