السلام عليكم ورحمة الله
أخواني الأعزاء
اولاً : أعتذر لكم ع غيابي الطويل الخارج عن الإراده لضروف الدراسه
وأضع بين أيديكم هذه القصيدة اللي أتمنى ان تشفعلي عندكم
ما يزيح هموم قلبي ويقلعها = غير شاصً لا زهمته تعزوالي
وانتهض قال المسافات نقطعها = لو يطول الوقت وتطول الأميالي
كنه شيخً شيخته ما تصنعها = يوم ضاقت في جماعته الاحوالي
شاشته بنتً تجلّت ببرقعها = وانتخت يا شيخنا يا بري حاااالي
من تيوتا ما يعذرب مصنّعها = شركةً عذروبها سعرها غالي
انص به دارً ما جفت مناقعها = علّها من باكر الوسم همالي
ماتفرق برها من مزارعها = كل هذا فضل من ربنا الوالي
جعلها بعد البلاد وشوارعها = وجعلها بعد العماير والأموالي
تبعد همومً زماني مجمعها = همها تكدير جوي وغربالي
ذا صحيبً رفقة الطيب بايعها = جعل ماله مع رجال الوفاء تالي
وذي عيونن ما توقّف مدامعها = تذرف دموع المفارق على غالي
وذي صدوفً ما تشالت مواجعها = كل ليل : "البارحه كنّه اشوالي"
ضاقت الدنيا وربي موسعها = ولا القيت اشرح من المرقب العالي
هو دوا روحن دنا منه نازعها = ايست من وقتها اللي تعدوالي
لا رقيت ونوح ورقا الخلا اسمعها = قام يسبق صوتها صوتي العالي
يا ولي البيت يالله تسنعها = من على عبد دنت منه الآاجالي