::: مـنتدى قبيلـة الـدواسـر الـرسمي ::: - عرض مشاركة واحدة - في ذمتي ما عليك قصور
عرض مشاركة واحدة
قديم 04-02-2012, 10:33 PM   #1
 
إحصائية العضو








الهاج ـري غير متصل

الهاج ـري is on a distinguished road


افتراضي في ذمتي ما عليك قصور

خذها وذقها
للشاعر سداح العتيبي


سلامة الجرح والدكتـــور= النــــزف ماهوب مطلقــني
شاورت صدري وردّ الشور=وان ضاق بالراي ضيّقـني
يا صاحبي مخطي ومعذور = زلّ المواعيـــد وأفهقــني
مدام وعدك .. وعد بلفور= أضحك يا بلفور وأسرقـني
خل القلق فـ الضمير يدور= وأعيش .. ويعيش مقلقــني
لازال طيفــك ثمان شهور=حيــّا وعيـــّا يفـــارقـني
أجاذبه بين نــار ونـور = والنور بـ النار يحرقــني
يخطر عليـّه وانا مخطور = مشتاق لك لا يشوّقــني
في مشـّة الحنجره والزور= مقاضب الحبّ تخنقــني
في ذمتي ما عليك قصور =حاولت وأزريت تعتقـني
محبّه .. وغبّه و بابور = والموج بالموج يصفقـني
أسبح وانا خاطري مكسور = الله يعين .. ويوّفقــني
شكرا وقل للهوى مشكور = شواربي عذرها دقـني
أقول أحبك بدون شعور = وأشعر بما قلت صدّقـني
شهادة ٍ ما لحقها الزور = حرام بـ الزور تلحقــني
خذها وذقها على الميسور = وأنا بعد .. خذني وذقني !

 

 

 

 

 

 

التوقيع

http://www.alqsed.com/song_download_8309_1




أحيان أحب الجرح ..لأنه بـ يمناك
واحيان من كرهي لـ جرحك ..كرهتك !

أن قلت أبـ أكمل طريقي ..وأبـ إنساك
مع أول الخطوه ..وقفت..وذكرتك !

مدري متى بـ أصدق أني ..بليأك ؟
مدري متى بـ أصدق أني ..فقدتك؟

كل مالتفت إشوفك هناك وهناك
وكل ماركضت أبـ المسك مأوصلتك

تعيش في بالي ..وأنا أعيش ذكراك
ومن كثر ماشتاق لوجودك كرررهتك

    

رد مع اقتباس