[معلومات العضو مبارك بن شافي النتيفات]

هذه القصة حدثت للفارس الشيخ شالح بن هدلان
ماتت زوجته وزوجة الحوير بالجدري
واتفقا على اربع اعوام بدون زواج
وبعدما انقضت تزوج الحوير وبقي شالح

وفي يوم من الأيام قابل شالح الحوير وسأله وش العلوم يالحوير
يقصد زواجه قال حالك وفالك

فتذكر زوجته اللي تزوج بعدها يقال ثلاث وطلقهن
وانشد

لا واهنيـك يالحويـر هنـيـاه =يوم انت في شوقك لقيت البدابل
وانا وليفـي ماحصلـي حلايـاه=لو دوجوا بي في قفـار وحايـل
وليفي اللي كل ماجيـت ابنسـاه=دعوا سميـه ذاهبيـن الحمايـل
يفز قلبي كل ماوحيـت طريـاه=فز المحبب من خشـوم الفتايـل
قلت أظهره يالقبر ليـن آتحـلاه=حال اللحد من دون سمر الجدايل
ياطول ماني في ذرا البيت ويـاه=من بيننا ينثـر جثيـل الجدايـل
قال.انت شالح قلت له أيه انا أياه=قال..انقلع لاعاد عنـدي تخايـل
مادام في شقـراء دلال مراكـاه=ومادام فالحوطه غروس ظلايـل
ومادامت الحضران للبر تـذراه=ومادامت البدوان تقنى الرحايـل
كن الزباد الخلص داخل شفايـاه=من مبسم مايدهلـه كـل سايـل