سلام الله عليكم جيتكم في حـزة الرحمـن=على طيب الوفا وأهل المعاني في معانيهـا
عيوني تلمحك يا المسعري يا معرب الجدَان=عساك تقوم والسفن الوثيقه فـي موانيهـا
يدوم ابك البقا ياصاحبي يامعرب السيسان=سلايل حر من حـراً معربـةً مجانيهـا
وقفنا فالزوم بوقفتاً تعرف بها العربـان=وقوف رجال ضد رجال خطلاناً يمانيهـا
ألا يامرحباً ترحيبةٍ بالورد والريحـان=ألآيامرحباً ياعزوةٍ تعـرف بأساميهـا
يقولون الجزيله ياعميلي سوقها ربحان=عسى ربي يجملنا ويكفينـا بلاويهـا
توكلنا على الله والله اللي يرزق الانسان=خلق الانسان من لاشي والاموات يحييها
نبي هالليل ليلاً ياعميلي يطرب العمسان=تقدم وانت يالمشرف دليلا في غداريهـا
أبسوق الركايب مير شـد الحيـل ياذيبـان=وأبرفع راية التوحيـد للـي جاهـلٍ فيهـا
ترى الغبه غزيزه والبحر في وسطه الحيتان=يقولون الزمان أقشـر عبـاد الله مشقيهـا
ابسوق المعاني سوق لين اروي بها الضميان=وابرفع روس مرفوعه وبعض الروس اوطيها
انا ماهر على فن السباحه في خليج عمـان=وكم عيناً تسبب في عماهـا مـن يداويهـا
مادامك ياعميل الخير في وسط البحـر فنَـان=تجوَد فـي مجاديفـك عسـى ربـك يمشيهـا
برق برق الحيا من فوق راسك يا أحمر الاعيان=وأخاف السيل يشتال الخيام ومن سكـن فيهـا
يقول اهل المثل مافيه بيت الا وله عمـدان=وحنا للمصامـخ روس شامختـاً مبانيهـا
سحاب الصيف لو يبرق ترا ماخاله العطشان=وبعض الناس لوتبحث تبين لـك خوافيهـا