وانا لاضاق صدري من قضيـه=بعثت القـاف للطيـب وسنامـه
أبي ياصل الربعي تـاج راسـي=خـوال المجـد لابلـه عمامـه
في وادي الخير واديي الدواسـر=أرجال العز ((واصحاب الفخامه))
هل العادات عطـران الشـوارب=شهامتهم ماهيـب أيـة شهامـه
أيبيـن زود شوقـي للنشامـي=ومضمونه سعد يرسـل سلامـه
ويشكي من شباباً صـار همـه=أعلوم الدنفسـه والا الرخامـه
أيصد أن قلتلـه أقلـط تقهـوى=ويبغض شوفتك جهل وغشامـه
أيقول أنته مهايط منت عصـري=ياخـي خـل المهايـط والئامـه
ويعـزك حيـل لامنـك مدحتـه=اليامن قلتلـه وشـذا الطخامـه
ايـرص الجنـز ويعلـق قـلاده=عليـه بالحـرام أنـه هـلامـه
ويسكـك لحيتـه كنـه فرنجـي=وتنقـد لاسمعتـه مـن كلامـه
الشاعر والكاتب الأعلامي المميز : سعد آل بريك
لله درك لله درك على ماكتبت لنا في هذه الفاتنه
أولآ أهل الوادي يستاهلون ماقيل فيهم
وثانياً نقول الله يهدي شباب المسلمين ويرجعهم إلى طريق الصواب
سعد الحقيقه نحن في وقتٍ عصيب ونرى فيه التقليد الأعمى
للدول الغربية من قبل شبابنا هداهم الله إلى طريق الحق
بيض الله وجهك وصح الله لسانك مدد ماهي بالعدد
تقبل الود والتقدير والشكر والعرفان
من محبك ومحب الجميع : دغش البطي