[معلومات العضو غلا نجد]

السلام عليكم ورحمة الله وبركاته

هذه احدى القصائد الرائعه للشاعر\ مطلق الجبعاء

اتمنى من الله العلي القدير ان ترقى الى مستوى ذائقتكم الشعريه

وان تنال على استحسانكم

يا طرق لا تشره على ضيق الانفـاس=ويا قاف لا تشره على قـل قيمـه
لا صار شعري معنز ٍ له على سـاس=ما همني هـرج النفـوس السقيمـه
واليا ارتكت زله على قلب حسّـاس=ما عـاد فيهـا يالصـدور الحليمـه
رفعت نفسي عن غثا كـل بـلاس=ما جيـه لـو لـزّم علـي العزيمـه
ما عاد لي ما بين الانجـاس مجـلاس=لان العواقب من وراهـم وخيمـه
كلامهم ما بيـن ظاهـر و دسّـاس=يعني افهمو ياهل العقـول الفهيمـه
كلامهم بأعراض الاجواد كالفـاس=لهـم جوايـز فـي فنـون النميمـه
استبيحـو زرع ٍ ترجـاه غــرّاس=وما قدمو حتـى الكسـا لليتيمـه
لا والذي يحيي و يفني مـن اجنـاس=ما شحت يدين الخصـال الكريمـه
القلب ما شال البغايض على النـاس=الناس فيهم طيـب ٍ لـه حشيمـه
اللي اذا جاه الخوي خفـف البـاس=يفرح و قلبه ضاحك ٍ لـه صميمـه
بشوش وجه وحايز ٍ كـل نومـاس=حلال سـود المشكـلات العظيمـه
اليا حظر كل ٍ نطق ( حي هالراس )=فكاك مـا بيـن الغريـم و غريمـه
شوق الهنوف اللي زهى صدرها الماس=اليا اعتزت عـزو اهالـي خصيمـه
الوافي اللـي للطويـلات عسّـاس=الله علـى روس الرفاقـه يديـمـه
ماهو من اللي يتركك وقت الافلاس=و لو زاد مالك رفقته لـك مديمـه
لاباس لو قفى عن الكـون لابـاس=ما يفقـده فـي موتـه الا حريمـه
فيصل ترا همي غدا اخماس واسـداس=والوقت ما ينفع بـه اكبـر شتيمـه
تدري وش العن شي يطعن بالاحساس=ان الوفا يجحـد ومـن دون شيمـه
اصبر على همي و غمي و الامـواس=في وسط قلبي تبدع اعظـم جريمـه
من المراره ذقت كـاس ٍ ورا كـاس=وغرقت في بحر الاسـى والظليمـه
اكبر قهر وسط الامل تاصل اليـاس=وفي داخلك ديمه و روحـك محيمـه