[معلومات العضو حسن بن بطحيه]

السلام عليكم ياربعنا وشلونكم اجدد التواصل معكم في منتدا الجميع الرسمي بهذه الرديه مع ابو مبارك ودمتم بخير..

هزة الذكرى غصون المواجع وذرفت=دمعة في محجرالعين كانت خافيه
افضحتني لين صديت كني بالتفت=عبرة من عام الاول وجتني لافيه
استباحت نغمة الحزن صدري وعزفت=نغمة تصحي عيون العباد الغافيه
اه يامصعب دموع العزيز اليا اردفت=جعل منهو لامني مايشوف العافيه
هاتها يابومبارك ونارك ماطفت=يوم غيرك نارهم بالمراجل طافيه
يافخر ربع على العز لاقالت وفت=ناصريا بالمواقف علومه وافيه
ياسعد طعنات الاصحاب تبطي ماشفت=وتجاهلها ومنك الاجابه شافيه
كل مامد الركايب على العد انكفت= ردها اللي بالمواجيب نفسه هافيه
واحتمل شرهات الايام لكن ماصفت= نية تظحك معي واثر ماهي صافيه
اشهد ان بعض الهقاوي ليامنها اسرفت=اصبحت تسفي عليها الرياح السافيه
لالمع نجم السعد في سمانا ثم خفت=مارضيت بهامشك يالزوايا الدافيه
ولادسمتي يايمين على الفجر احلفت=والله اني ماالبس الاالبشوت الظافيه
في سبيل الكايده لوقدم رجلي حفت=عاشت اقدام سعت للفضايل حافيه
يابشيرالفجر دهم اليالي ماصفت=شقها ماهوب يرفا خماله رافيه
لوخفت ياشاعر العصر مثلك ماخفت=لاوله واثانيه بالاشاره كافيه
المشاعرهيجنة ياسعد لك واحتفت=جات عوفيه على وزن بحر وقافيه

.....

.....

.....

مرحباترحيبة لاحكت تفلسفت=وافيه لاهافيه صافيه متصافيه
ان تخلت ماقفت وان تولت انصفت=للفززمتماشيه ماهي بمتنافيه
بالعزيزاللي معانيه لامن صنفت=اوله لاتاليه وافيه ومكافيه
ابن بطحيه حسن شوق من تأنفت=عن مداريج الردى والعلوم الهافيه
ياحسن ارحب عدد من وفت ولاهفت=ومن علومه لاهرج ماسفتها السافيه
انت ابن عم معانيه وفت اوكفت=كلمته متقابله ماهي بمتقافيه
والقصيده حاجتن بالمعالي رفرفت=وثورة الاعلام فيها غشم متعافيه
وانت لاجات المعاني مثل ماعرفت=ماطلع وجهك مطالع رمادن طافيه
اما انا سامح ولوكان نفسي ماشفت=وعندي للتاريخ خريطه وجغرافيه
والعذر لاقالت الك القوافي وقفت=لاانت في ضد الامانه ولاني مافيه

سعدبن مبارك الودعاني[/poem]