يالله بليلن مدلهمن من القبله **تكاشف بروقه والرعد له تحطامي
على نجد يومنه تساوى نثر وبله**تلاوح ربابه والرعد له تقصامي
من الهضب لسره على موقع العبله** على ديرتن ترغبلها كل مرزامي
وحول على الصمان مزونه تلاعبله**كما لعب ياميه على حفله اليامي
وزان الربيع وكل رجلً جذب لبله**وجاتك عطايلله على السير قدامي
فحلها هديره مثل عبداً ضرب طبله**يتزجم على بعض العشاير تزجامي
تسابق على الروض القفر تقول منهبله**وعلى شوفه الزملوق مهيب تلامي
تبي خايعً متختمن شامطه ربله**على اول نباته مابعد جته الاغنامي
وعساسها رجلً نبيهً مهوب ابله**يعرف الديار ويفهم العلم وهمامي
وهل اللبل على الكنود خلافه تنادبله**ويقول ابشروا بالعشب يانسل الاكرامي
من خريص لصمان لنجد للقبله**شباعً اباعرها زماليق وقصامي
( الشاعر ناصر بن محمد المخاريم الدوسري)