يــا المري أنت الله يهديك ويصلحك سالفتك عوجا مدري وشلون قايله تسولف ومدري وش تقول بدون دلايل ولا براهين ،،
وتقول الغييثات من آل مره ومدري ويش وتتكلم بالأنساب بلا براهين وتبي الرياجيل ماتضيق عليك والله السالفه العوووجا ،،
لا وثم عمرتها وقمت تقول الدواسر حلف وجيش وقوات خاصه وعسكر وجنود فتحت لنا تجنيد اهنا الله يصلحك ،،
وكل ماهب البراد قمت تلف على سالفة جديده وكل ذا بلا براهين ولا دلايل ولا اثباتات ،،
أنا بسألك أنت شعاااااد تبي بعد ذا السوالف كلها ، يعني كل الخزعبلات اللي قلتها والسوالف اللي حصت عليها ومع سكوت الدواسر واحترامهم لك تقول بعد تبي (حريه) والله أنت أمرك عجيييب،،
يا حبيبي ياقلبي يالمري الله يرحم شيبانك تبي تتكلم جيب شهود جيب اثباتات عطنا براهين عطنا دلايل ووالله اني مستعد اواجهك واجلس معك ونسولف مع بعض مع بيالة شاي وعطنا كل اللي عندك بشرط الكلام الموثوق اما سوالف كذا أنا أقدر ذلحين أقـــول آل مره يرجعوون دواسر عاد انت بتقول كيف يابدر ؟ عاد انا ارد عليك وأقول : كنا انا والشايب قاعدين وفجأه ولا تجمهر عند باب بيتنا ويوم طلعنا ولا آل مره كلهم يقولون حنا دواسر حنا دواسر وفجأه ولا يقلطون علينا شيبان منهم ويأكدون لنا أنهم دواسر...
شفت كيف السوالف سهله بالسوالف عطيتك سالفه طيبه وصاروا آل مره دواسر,,
لكن الإثباتات والبراهين مامن اثباتات وبراهين والدعوه سهالات ..
لذلك أستلم العلم الوكادي تبي تتكلم بإثباتات وبراهين حـيـاك الله وياهلا ويامرحبا..
وإن كان تبي تهلس علينا وتسولف كذا على فالك فألزم حدودك و أقولك بعد مرة أخرى حيااك الله بيننا وعزيز وغالي بس أكرمنا بسكوتك وشارك بأي قسم من أقسام المنتدى ولا عاد تفكر قي ذا السالفه،،
والرجال يا أنه يتكلم في خير أو ليصمت،،
تقبل تحياتي،، وأستقبل بصدر رحب،،