[معلومات العضو تركي الموسى]

بسم الله الرحمن الرحيم

السلام عليكم ورحمة الله وبركاته

هذي قصيدة قالها الشاعر / إبراهيم بن عبد الرحمن بن ذيب ال عريمه الودعاني

الدوسري في الأمير فيحان بن خلف بن فيحان بن قويد رحمه الله قبل وفاته بشهرين و

مناسبتها أنه سمع قصيدة للأمير فيحان لا يحضرني منها إلا بيتين :





يا لحيتي من خبيث الريح ماجوره
يعبالها العود الأزرق في مثانيهـا
تكفون يا لابتي في لاعب الكوره
اللي يعرف الصلاة ولا يصليهـا


فقال الشاعر هذه القصيدة مجاراة لقصيدة الأمير فيحان رحمه الله :




يقول من كلمته بالحـق مصخـوره
جلّ القـوارع إلـى غنـىّ يقديّهـا
الشعر لا من بغيته صـف طابـوره
و اخليّ العجف و الجزلات انقيّهـا
قم يا نديبي ترحّل فـوق مزبـوره
بـاعٍ نحرهـا منّجـفـةٍ اياديـهـا
لا رّوحت مع طمان الريع مذعـوره
القـاع كنهـا تطمّنهـا و تعليهـا
منصاك من رايته بالعـز منشـوره
مجنـى حـرارٍ منتبـةٍ مجانيـهـا
المشكل اللي يعرفون العـرب دوره
ترثة شيوخٍ تجـرّ المجـد بيديهـا
فيحان له طاعة الله راس مذخـوره
تجـارةٍ حالـف إنـهّ مـا يخليهـا
وفيحان يوم الجهل من قبل أخونوره
يارد حياض الوغى والنفس يصخيها
وفيحان من يومها بالصاع مبـذوره
تندى صحونه وجلّ الـذود يهديهـا
وفيحان لاعسمت الاشوار لا شـوره
مثل القمر في الغداري صاطع فيهـا
والقول لا ضيعه من يجهل بحـوره
اللي يريد القـوادي ميـر يخطيهـا
فيحان له كلمة بالحـق مشهـوره
يومي علمها على من كان يوحيهـا
وقد قيل في كلمة من قبل مذكـوره
الدر طيبه من البـل فـي مفاليهـا
واللحيه اللي من الدخـان ماجـوره
الا من العود الازرق فـي مثانيهـا
تستاهل الطيب ياللي تبغض الكوره
تدل طيب المعاني وانـت راعيهـا







اتوقع هذا راح يفيدك


وخذ هذا الرابط بعد :


http://www.alduwasser.com/vb/showthread.php?t=3758