مرحبا اخوي ابن سعيد
والأمير فيحان بن خلف بن قويد رحمه الله مهما تكلمنا فيه مقصرين في حقه ، وان شاء الله الأخوان الملمين بتاريخ هذا الرجال يفيدونا بهذا الموضوع .
وهذه صور حصرية للأمير فيحان بن خلف بن قويد
صورة نادرة وحصرية للمرحوم الأمير فيحان بن خلف بن قويد
وقد أشتهر رحمه الله بالدين والورع وقوفه الى جانب كل مايدعم الدين في المنطقه.
كما اشتهر بفزعاته الشهيرة مع أبناء قبيلته والذود عن أرضهم .يذكر انه شارك في حرب تحرير فلسطين وهو يبلغ من العمر أربعة عشر عاماً..
صورة أخرى للأمير فيحان بن خلف بن قويد
الأمير فيحان بن خلف بن قويد رحمه الله
ومما قيل فيه قصيدة للشاعر سعود بن الأزرق المخاريم الدوسري يقول فيها :
أنا زعلت و للزعل عدة أسباب = و تراكمً زعل النفوس و غضبـهــا
أزعل على رجل وطت شجرة الداب = حتى تـلـوى شوكـها في عصـبـها
و أزعل على حظ رماني بالأنشاب = و أزعل على نفسٍ قليل شـببـهــا
و أزعل على ربعٍ غدو عقبنا أحزاب = للهون و الحقران ربي وهـبـهـا
وين الوفا يا أهل الوفا وين الأشناب = وين الرجال اللي يتحقق طلـبـهـا
ما يمبني بيت بلا أكـراب وأطناب = و لا تـشـتـعـل نار بـلـيـا حـطـبـهـا
سر يا قلم و اكتب عن البال ما طاب = ينطق بها لساني و فكري جذبها
يجـذبني الـمعـنى على فاتح الباب = شيخ عـلـى الشـفـات يطـلـق نـشـبها
شيخ السلف ما هوب من شيوخ الألقاب = شيخ الشيوخ اللي عريبٍ نسبها
شيخ الدواسر متربة جرد الأرقاب = ترعى الخطر و الشيخ قايد عربها
(فيحان) أخو جازى على العـز وثّاب = و اللي لـه الـريشة بيته نـصبـهــا
قله ترا نومي على الكوع ما طاب = والنـفـس يا مـشـكـاي و لا طـربهـا
المشكلة مهره و للخيل ركاب = و أنت الشـجـاع اللـي رعـابـك جـنـبـهــا
أنا اصـطـفـيـتـك بد ربعي والأجناب = وأفزع لمن عينه منامه حربــهــا
جـاك الـخبـر من عـنـد شاعـر وكتّاب = و تحية الـشاعـر مع اللي كتبهـا
أنا أبغى الخبر من عند فكاك الأنشّاب = و اللي إذا صعبت ينوخ صعبها
وهذه قصيدة مرثية فيه قالها الشاعر / مبارك بن ناصر بن حمير الدوسري
أبوك ما خليت يا موت( فيحا)ن = اللي ورى وادي الدواسر يحامي
وادي الدواسر من على عصر بدران= يوم الجهل قدام عصر الكمامي
يحسن عزاء الوادي موارث كحيلان = تبكيه هدب الغرس هو والجهامي
يابو خلف مرحوم يا طير حوران= عليك يا فيحان مني سلامي
يوم راح (فيحان) وراء (الشيخ شيبان )= حلوبة الأجناب مثل التهامي
لونه حي كان للدار حدان = كان البلاد الراسية ما تضامي
غدوبة القيمان رعاية الضان = مهوب روس إلي عليهم كلامي
الدار تبغي عقب شيبان شبان = أقولها ما هيب روياء حلامي
في جنة الفردوس نوراً وريحان = يالي بلاده للعدا ما تسامي
من صلب شارع طيب الساس فيحان = يقفي على القيمان كنهم لدامي
يشهد (( دويش مطير)) مهوب غلطان =بفعل الشيوخ الطيبين الكرامي
إلي لهم في موقف المجد برهان= حريبهم لا من شكى ما يلامي