القلب إلى منه حدره الهم سندها لعين=ولا شقى حال العيون إلا تعلاق القلوب
اكتب من الفرقا وانا حالي من الفرقا لعين=يلعن أبو حظن غدا باللي غدا عني مغصوب
قمت أنا أكتب ثم رجعت أمحي كتابتي إلين=لو أقول مدري شقول ولو انا بسكت كذوب
والبارحه وينك يامنهو متعب القلب الحزين=والمصيبه لو اشوفك مانت مدرك ياللعوب
ياصغير ياللي ماأكبر بالغلا إلاّ الوالدين=والله إن تبطي وانا أغليك ياالغرّ العذوب
من سألني قلت لاتسألني ميين و ولد مين=والجواب اللي أعرفه/ وربي في حبه ماأتوب
خذ حياتي من حياتي لين تدركني السنين=لك شروق الود وأترك لي من اللوعة غروب
صح انا ضامي غلا !! وأكيد عطشان الحنين=وصحيح إنك لي غدير وشوفتك للعين كوب
والله إني لافقدتك جمّة الدنيا تشين=والله إني فضحكتك أذوب ثم أرجع وأذوب
يا صغيرة خافقي ياللي على البسمة تجين=شوفي حبك من رحلتي صوته بالحسرة طنوب
مابقالي غير صورة تحفر الشوق الدفين=ومابقا يادوب صوتك في تليفوني يادوب
والله إن للملا قاسي و لكن عند لين=لنت غصب.. وماع ضلع.. وضوّ جوفي في شبوب
تهتنا وجهاتي الأربع/ و لا عاد آدري وين=وجهتك ياخامس الوجهات/ يا جلّ الدروب
لا يساري هي يسار ولا هيّ اليمنا يمين=مثلما إتغير شمالي.. واعتذر منه الجنوب
وش بيديني ياعيوني والسبايب حب لين=وأنتي أدرى ماجرى للعين بأسباب القلوب