عرض مشاركة واحدة
قديم 24-02-2012, 07:02 PM   #1
 
إحصائية العضو







محمد مطلق آل بريك غير متصل

محمد مطلق آل بريك is on a distinguished road


:e-e-5-: نايف ونايف كان فالدعوى فخر .... من ماكر الأحرار عم وخالها

بسم الله الرحمن الرحيم

قصيدة المشاركه في المسابقه الشعريه الثانيه لأبنا قبيلة الدواسر
بمناسبة تولي الأمير نايف بن عبدالعزيز ولاية العهد


نبدأ بذكر اللي ينشي بالمطر=محيي هشيم القاع عقب أمحالها
اللي يفرج باليسر بعد العسر= بإيده مفاتيح الفرج وأقفالها
يسمع دبيب النمل من فوق الصخر=في مدلهم الليل يعرف حالها
فيالله ياخلااق يارب البشر=ياعالمن أعمارها وآجالها
عني على مدح يخلد له ذكر=ووفقني من خير البيوت أجزالها
بإسمك بديت وبعد ذكرك بأنحدر=في مدح أمير يرتكي لثقالها
ولي عهد وخادم لولي الأمر=وعلى الوطن شجره يظل أظلالها
نايف ونايف كان فالدعوى فخر=من ماكر الأحرار عم وخالها
مابين أهل عوجاْ يدوسون الخطر=وبين السدارى طيب الله فالها
ونايف ونايف كان فالدعوى قشر=صميدعْ يروي شباة سلالها
نايف كعام الشره لامنه زمر=وروس الفتن والشر عنا زالها
راسه يفوح من الطناخه والسطر=والمرجله متقهوين فنجالها
أبو محمد مثل حرْ لاشهر=في قمةْ عيطا بروس جبالها
إسمه لمع في المملكه منذ الصغر=ومناصبه تزهاله ويزهالها
الفيصلي الضيغمي بالمختصر=أسدْ طمح للطايلات ونالها
مني تحيه له عدد نبت الزهر=والعود الأزرق نفحته تبرالها
وختامها صلوا على خير البشر=شفيعنا ماناض برق خيالها

 

 

 

 

 

 

التوقيع

ياهرجاً هرج القفا لاتهرجه=مأنته على بعض الكلام مغصوبي
لسانك حصانك وكلمتك سرجه=أهم حاجه لاتسمى كذوبي
أما نطق بالصدق فالصمت درجه=أقفل عليه الدرج حتى يتوبي
وهرج النميمه لايجي فيك برجه=يرسل ويستقبل حصاده ذنوبي
راقب ولي الكون مولاك وأرجه=وأن كان شايف عيب كلك عيوبي

    

رد مع اقتباس