تابع (الجزء الثاني)
الشاعر : محمد بن مبارك الضرير الدوسري:
لا بغيت أنساك وادله مـا قويـت
وان بغيت الوصل منّك ما حصـل
انقضى عمري ولا معـك اهتنيـت
بين حبّـي لـك وفقـدان الأمـل
لو تعاني مثل ما آعانـي دريـت
ان جرح الحب ينزف مـا اندمـل
لو دريت بحرّمـا فينـي بكيـت
وكـان والله مـا تفكّـر بالزعـل
يا كثر ما اغليك وانت اللي قسيت
يـا كثـر مانـي بحبـك منهبـل
ليه تجرحني وانا اللي لك صفيت ؟
مـا تخـاف الله فينـي وتعـدل ؟
ذا جزايه منك يوم انـي وفيـت ؟
كيف لو قصّرت في حقك أجـل ؟
يا عديل الروح ما غيـرك هويـت
من غلاك وقسوتك جسمـي نحـل
يا معذّبنـي وانـا فيـك ابتليـت
الشاعر محمد مبارك الضرير
سراج العشاق
الشاعر : محمد مبارك الضرير
يا لطيف الحشى قلب المولـع خذيتـه
ليش ما ترحم اللي في هواك محزون
دوك زرع الحشى هايف ورا ماسقيته
الـدوآ عندكـم بالله عليكـم عطـون
يا عذاب المشقى دوك حالـي طويتـه
مثل طوي الورق في يابسات الغصون
شوف جرح الموده بين (ن) لو كنيتـه
لو كنيتـه بقلبـي كايـد (ن) مايهـون
كان درب الموده والهـوى ما مشيتـه
انشد اللي مشوا من قبلنـا يفهمـون
يا عذابي من اللي هو هواي اهتويتـه
اهتويتـه مثـل ما بالعـرب يهتـوون
كل ما سَج قلبي عن الحبيب ونسيتـه
زارني في حلاة النوم واشقى العيـون
السلام عليكم ورحمة الله وبركاتهاقدم لكم هذي القصيده
وارجو ان تنال على اعجابكم ..
ياصاحبي قلب المولع على نار ...
غصب(ن) على فرقاك يانـورعيني
لاهـوب شـف(ن) لي ولا نيب مختار ...
لاشــك ذا مكــتـوب لازم يـجيني
لاعـــاد لاشـفـتـك ولاجتني اخـبـار ...
حبل الوصل مقـطـوع بينك وبيني
عز الله اني عـقـب فرقاك مـحـتـار ...
اجـامـل الــعـــذال والــهـــــم فيني
الى ذكرتـك صـرت في هـم وافـكـار ...
اصـفـق بكف(ن) كف والله يعيني
مالي جدا كود البكاء واكتب اشعار ...
الـنـوم بـدلته بـــدمـع اونيني
صبري قضى والنوم يامنيتي طار ...
ياناعس الطرفين صافي الجبيني
حبك بقلبي يا الغضي سر وجهار ...
من عـقبـكـم يـاروحي حـزيني
الشاعر محمد مبارك الضرير
االشاعر المبير محمد بن مبارك الضرير لقائل :
تلعب بقلبي لعبةالبــــزر بالطير
يضحك وطيره ميّتٍ ما يطيري
حيّرتني يا سيــــد كل الغنادير
واشقيت روحٍ صرت فيها خشيري
يوم احذفتني في هواكالمقادير
نسيتني والدمع جرح نظيري
والقائل :
فــرّقت الاقــدار بيني وبيـن اغـلا حبيب
وأظلم الوادي بدونه ولا عاد له طراه
العــذول اسباب فرقــاه مقطوع النصيب
مخبله يبغانى انسى الغضى واتبع هواه
كيف ابنسى اللي ذبحني وخلاّني صويب ؟
ما يـداوي علّة القلب كـود اللي رمــاه
هو حياة الروح وهو الدواءلي والطبيب
وهـو كلّش في حياتي عسى روحي فداه
لا تكلّم يسـلب العقــل باسـلوبٍ عجيب
ولا غنـج لي وابتسم ذقتنا طعم الحياه
نـور خـدّه لا نظـره القمر خطرٍ يغيب
كمّلـه بالـزين ربٍ تعـالى في سـماه
والقائل :
ياشوق يا اللي رميت القلب واقفيت
ارحم رحمك الولي واشفق عليّـه
أربشتني بالنواعس ساعة أغضيت
شـفتـك بعينـي ولا لـي مقـدريّــه
صدفـه نظـرتك ولا معكـم تهنّيـت
واقفيت عنّـي وانـا افـرّك يديّـــه
والقائل
ياطول ليلي عقـب فرقـاك طـولاه
ياحمس كبدي يـوم تطـري عليّـه
أحّيه من شي(ن) على القلب يصلاه
لا نامـوا الساليـن عينـي شقيّـه
وغيرها من القصائد المميزة فهو يعتبر مدرسة شعرية مستقلة ويعتبر من فحول الشعراء وأحد الشعراء المخضرمين الذين أثروا الساحة الشعرية بقصائد تعتبر من أنفس القصائد ولا أكون مبالغاً أذا اعتبرته واحدا ً من أصحاب المعلقات في زمننا
الحاضر وتلك القصائد من جمالها لا نكاد نميز بين أجملها وأجزلها فقد أضحت حبات لؤلؤ
تزينت بعقد تم سبكه بأحلى شكل وأجمل صياغة فلا نستطيع نفك حباته عن بعضها البعض
حتى تتساقط جميعها متناثرة هنا وهناك لذا نبقيها متماسكة محافظة على رونقها وتوهجها كما هي ونقف فقط هائمين بها مجملين نظرنا بقراءتها وترديد أبياتها والغوص في أغوارها والتعمق بمكنوناتها وصدق شاعريتها .
أجمل ماقيل عنه على لسان شاعرنا المبدع وأديبنا الفذ
راجس الخضاري :
إن كان للبحر ذي الشطـآن ربـان
فأنـت للبحـر ذي الأوزان ربـان
إن كان للكسر في الأجساد جبـران
فأنت للكسر في الأشعـار جبـران
إن كان في عصرهم كسرى وساسان
فأنت في عصرنـا كعـب وحسـان
الشكر موصول للمبدع أخي الفاضل مبارك مبارك يحفظه الله
أخوكم / أبو صقر