[معلومات العضو الهاج ـري]

الله اللي حط ّ زينـك ثـم ربـي اللـي عطـاك
وصف يوسف في جماله ؛ ما مثل حسنك أحدْ ..!
:
:
لا زعلتي يوم كنـي قلـت : وينـك يـا هـلاك
ولا رضيتي من رضاكي قـام يدعـي لـك بلـد
:
:
ناظري كل الخلايق يـوم شافـت ضحـك فـاك
بين ميّت أو قتيـلْ ؛ وبيـن ضايـع مُفتقـد ..!
:
:
يا زهر ذايـب بخـدك ؛ لا ذايـب فـي شفـاك
يـا مخلينـي وحيـدٍ ثـمّ عَدّدْنـي عــدَدْ ..!
:
:
الخفـوق اصبـح جـوازك حـط ّ يالله مبتغـاك
اختمي فوقه بدمّه [ حـبّ صـادق للأبـد ] ..!
:
:
لا همستي ذبـت كلـي فـي كلامـك أو حكـاك
هذا انا من نبْر صوتك صـرت سـر ٍ وانسـرد
:
:
أعشقك من غير سبة ؛ واعرف اني مـن هـواك
صرت لك طالب مثالي : في محبتك اجتهـد ..!
:
:
انتخيتـك يـا حياتـي لا تـردي مـن نـخـاك
اعقدينـي فـي خيالـك ثـم زيديـنـي عـقـد
:
:
ولا ربطتينـي أمانـة اذكرينـي فـي مـسـاك
في صباحك في مراحـك فـي نعاسـك والسهـد
:
:
مشيتك [ شي ٍ خرافي ] : كنّ أرضك هي سمـاك
نظرتك تعطي المجرة مصطلح [ درب السعد ] ..!
:
:
يعني ان شفتي حبيبك صار مـن شوفـك مـلاك
أو لمحتي زول شايب ؛ ينقلب زولـه ولـد ..!


م/ق