اربعة من الهوامل (( الاد السيالي )) يردون العجمان ومن معهم من القبائل!!
--------------------------------------------------------------------------------
غزى بن حثلين ومعه بعض اهل الكسب من قبائل ( زعب والمناصير والهواجر والمره ) يبي مطير
وعندما شافوا الابل قالوا : هذولا العرب نبي نخلي بعض ربعنا خلافنا وبعضنا يغير على الابل
وعندما طلعوا على الابل لم يجدوا الا اربعة بيوت فقط فقال ابن حثلين : ابكم يالعجمان ماعندكم احد
الابل عليها وسم الهوامل وهذولا تقول انهم جلاويه وغاروا على الابل ولكن هل البيوت الاربعة
( فالح بن السبيعي ،، جبر بن سميران ،، ابن وريده ،، طريف المويس )
كلن ركب صفراه وصاحوا عليهم : الخلا الخلا ولكن الغزوا قد اخذوا اباعر المويس وساقوه
فقال ابن السبيعي للمويس : الحق رد اباعرك قال يابن السبيعي : خل الابل تولي اهم شيء ارواحكم اليوم ماهو لنا ،،
قال بن السبيعي : انت خايف على نفسك والله ان مالحقت اني بلاك ليجيك مني
وفعلاً لحق المويس واستطاع ان يرد بعضها ولحق الثلاثه الباقين
وصاح فيهم ابن السبيعي وهم يعرفونه انا ابن سبعان جنب عن الابل يالعجمي
وصار الطراد حتى ان الغزوا وصل الى الربع اللي خلافهم
واستطاع الاد السيالي رد هذه القبائل الخمسة وعلى رأسهم ابن حثلين
ويذكر ماضي بن هليل احداث هذه الغزوة في قصيدة رثاء جبر بن سميران :
يالله يامنشـي السحـاب المزابـيـر=ياقايـده لارضـاً وبامـره سقاهـا
تنبت علـى مـدلاج سيلـه نواويـر=وانواع نبته تطـرب اللـي مشاهـا
ابكي جبـر خيـال تـال المظاهيـر=زبـن الثبـار اللـي رديـاً غذاهـا
خيـال قطعانـاً اقتفتهـا المقاهـيـر=ترعابهـا الشقـح الطفـوح بهواهـا
ليازم نبتـاً بيـن الاجنـاب ومطيـر=ترعـى بخـداً مارعـت بقصراهـا
قد لم أبن حثليـن زعـب ومناصيـر=وجمع بني هاجر يعـرض ونخاهـا
وأستلحق المره على الشـر والخيـر=و أهـل القنـازع دايريـنٍ دواهــا
و تباشـروا يامـن جونـا معاييـر=ربعـاً نبيهـم سبرهـا ودلآلآهــا
و سند مع الصمـان يقـدي طوابيـر=هب الشتـاء والخيـل زان معداهـا
طبـوا حراويهـا وكـزوا مداويـر=و السبر جاء عجلان واللبـل لقاهـا
و تعندلـوا بمعسكـرات المسامـيـر=الصبـح قبـل الخـد ينشـف نداهـا
و لفوا على ربـع ٍعصاتـاً مناعيـر=ماهـم بهـل ذلـه ولحـداً نـواهـا
فرساننـا مـا يسنـدون المعـاذيـر=هـذي عوايـد خيلـنـا بقبـلاهـا
تمـاوج ٍباطـراف قطـم المواخيـر=مقدار حمـس البـن عجـلٍ سواهـا
و تساهجن ولـدالا صيقـه مدابيـر=الكـل تذكـر سابقـه وش عطاهـا
وسـام ينخاهـم بسـام المشاهـيـر=تغايبـوا مـا منهـم اللـي ثنـاهـا
يبكي يبـي شوفـة هلـه بالجوافيـر=كب الجـواد ولبسـه اللـي زهاهـا
خيل المعيض وردت وراحت مصادير=تشرب حميم و صدرت في ضماهـا
راحن بهم هـراب ولهـا معاصيـر=جاها جبـر وبـن السبيعـي حداهـا
ماشـد جيبـه فـارعٍ بالـدواويـر=يعرف إليا ركـب المحالـه رشاهـا
و من غب كونه يلعنـون المشاويـر=راحت عجم كسرى حساهـا وراهـا