[معلومات العضو ابو زيد الغييثي]

المشاركة الأصلية كتبت بواسطة خيل البويضا

وووووونعم كفو

يالربع حبيت استفسر من الشكرة خاصة ومن الربع كلهم للي عندة معلومة مافية شك العرب ماخذ وماخوذ لكن بخصوص سند ابن حفيظ الفارس المشهور هل ذبح من قبيلة ال مرة!! وهل وقعت معركة بين الدواسر وال مرة ويام والعجمان اسمها الأصولة ؟ هذا حسب ماقريت في موقع ال مرة

اللي ذبح على يد يام " سند بن فرج بن حفيظ " وكان في جوب الدهناء في الجوب اللي شمال ٍ من خريص حيث وقعة معركة بين يام والدواسر بعد أن قتل الدواسر المرضّف شيخ آل مره . وحصلت معركة و ان ذبح اليوم سند بن فرج من الدواسر وذبح من آل مرة ابن الدعيّه من آل سنيد من البحيح
وقول ابن حفيظ في اللقاء " اما سند بن محمد بن حفيظ ، فالذي قتله هو ابن الرومي من قوم ابن عقيّل من الدعاجين عتيبه .وذبحوا الشكره ناصر ابن عقيّل العقيد في ساعتها .
ذُبح سند بن محمد بن حفيظ من الشكره وذُبح ناصر بن ابن عقيّل الدعاجين في وقتها ، وهذا على بداية حكم الملك عبدالعزيز بن عبدالرحمن .
وقصتهم أنهم جميعهم غزوا ذولا قوم وذلا قوم ، وتواجهوا وتنابوا بينهم بالكلام ، وقالوا : مالكم فينا لحام ولا لنا فيكم لحام وكل ٍ يروح في فاله .
قام واحد من الدعاجين وكان أول مغزى له وغلام توه ظاهر ، ولاحظ الرجال (سند) اللي مشهر ٍ على الذلول الزينه ولبسه زين ، ووده يتفوّه بذا الرجال الشّهر ، وثور عليه فجأه وبدون سابق انذار وثوّر عليه بالبندق لينه ذابح سند .فيقوم واحد من الشكره اسمه( مرضي بن خليّان من آل موسى الشكره ) في نفس اللحظة ويثوّر على ناصر بن عقيّل الدعاجين لينه فاقع ٍ راسه .
وليـن ذا نـد ٍ لـذا ."