هذه محاورة جرت بين شاعرين ( هلالي ) و( نصراوي ) بعد أن انتهت أحدى مباريات الديربي بين الفريقين الكبيرين بالتعادل الإيجابي 1/1 بعد ضربة جزا، (نصراوية) (هدية) وكان الباديء هو الشاعر الهلالي :
السلام ورحمة الله يابن ..... وبركاته = كيف حالك طال عمرك ذالليالي كيف حالك
نادي النصر السعودي كاثراتن فبركاته= نادين مجده مزيّف فوضويّن وامتهالك
مرحباً بك عد مايدفع ابن آدم من زكاته = وعد ما يطري يابن ...... على بالي وبالك
النصر ياللي تقول النصر حتى في سكاته = غربل العدوان واولهم يابن ...... هلالك
من يشجّع نادياً يا صاحبي قربت وفاته = ما يقارن بالهلال ولا بالأهلي والزمالك
نصركم بالله قلّي ويش هيّه منجزاته = يوم جوّه بالنتايج دايماً مظلم وحالك
من يعادي نصرنا المعروف عجلّنا شتاته = وانت شفّك تاصل العالم ولكن ماهنالك
يالسعد ( يالذابح ) اللي قابلك عجّل ذكاته = ياعسى يفداك (ياسر) ياعسى يفداك(مالك)
سام 6 بهذل الحرّاس من كثر احركاته = هبّل بشاكر ومضحي والدفاع وما طرالك
البطولة للزعيم وغيرنا طوّل سباته = قاعدة عند الزعيم ( معانده خاسر وهالك )
جالد الحرّاس (ماجد) ماحدن سوّا سواته = والهريفي خيّب أفوال الهلالية وفالك
ما يفيد الحكي يارجال ودّه ثم هاته = انشد التاريخ يعطيك الإجابة عن سؤالك