بسم الله الرحمن الرحيم
السلام عليكم ورحمة الله وبركاته
هذه القصيدة قيلت في معركة الجفير قديماً في حدود الدواسر والتي وقعت بين المساعرة الدواسر وبين أحد قبائل الجزيرة قبل عهد المللك عبد العزيز طيب الله ثراه ..
قال الشاعر صحين بن حويزي بن قويد الدوسري فيها هذه القصيدة يسندها للشيخ محمد بن حفيظ شيخ الشكره الدواسر :
ياراكب من عندنا فوق ست تعنـى =من حميها تكسر عصي المواسير
تلفى لنا ابن حفيـظ زبـن المجنـى =حامي اعقـاب اقطيّهـن بالقناطيـر
يالـيـت مظـهـور يـبــاري ظـعـنـا =يـوم التقينـا بيـن عـذال وامشيـر
الطـامـع الـلــي زارنـــا ماتـهـنـا =خذنا جواده والسلـف والمظاهيـر
واخيـار ذوده صـدرت فـي وطـنـا =من عقب ماترعا خشوم الدعاثيـر
فرد الشيخ ابن حفيظ بالرد التالي على الشاعر صحين بن حويزي :
يـا مرحبـا باركابـك اللـي لفـنّـا = اعداد ماتـذري هبـوب المعاصيـر
يامرحـبـا ترحـيـبـة ماتـمـنـا= لامنـه بـدل رفقتـه قاطـع السيـر
ليـت الحمايـا يـوم جتنـا وحـنّـا= بين( الجفير) وبين عـوج الدواويـر
والله أن يجيكـم يـا جماعـة ظعنّـا = وخيـل تنـازي بالعيـال المناعيـر
حريبنـا لا شافـنـا جــظ مـنّـا = مثل الخريش اللي بلاها مـن الطيـر
ماقـومـه الا بالمـلاقـا طـعـنّـا= من فوق قب معسكـرات المساميـر
يا نفـدى اللـي يـوم غبنـا كفنّـا= سربة (اصخاف الشول) عند المعاشير
لا جرها( ابن قويـد )زبـن المجنّـا= يسهج خصيمه مثل سهج الطوابيـر