اسعد الله أوقاتكم
القصيدة بمناسبة عزيمة اخوي سعد بن فهيد آل بريك
للشيوخ عبد العزيز العجالين و عماش العمور و بندر الخالدي و سعود بن دليم القحطاني و حماد المساعرة و فهد وخالد بن شبيب و محسن الحميدي
أقول و عماركم تطول
يشوش راسي بفعلك يا عريب الجدود= وأفوز بك يا البريكي واشهد ان لي خوي
يا درعي اللي ذخرته للشدايد يذود= ويا عصبة الراس لا جات الذياب تعوي
ويا محزمٍ ما يعرّي لا زهمته صمود= باسمه ووجهه و ربعه فالمداحم قوي
يارد على العد لو يضما جميع الورود= قدايمه طول وجهه من فزع به روي
يا بو فهيد انتعربك وافتخرفي الحشود= فعلك ينومس على عيطا يجي له دوي
جمعة شيوخ القبايل يا البريكي تكود= حظك و فعلك يجي عند الزّحول رهوي
من روس قومٍ لهم في كل عليا وجود= من عصر بدّاح ماحدٍ من فعوله غوي
جدّي من شهود جدّك واشهدٍ له شهود= عيدان يشهد بفعله بإن ما له سوي
يوم احتمى العدّ بلحاله وسوّى الفنود= ثم التحظهم و محدٍ في طريقه قوي
امدح خويي ومدحي فيه ما له حدود= وانا ابن شافان صيتي فالعلا ما ذوي
لا صار خطوا الربادي فالمراجل زهود= الوي صدوفٍ زمت من قدم وجهي لوي
وأفوز مع لابتي والرّاس يرقى سنود= وافخر و أفاخر وانا لي فالشّدايد خوي