[color="rgb(105, 105, 105)"]قصيدة الدواسر
. أنا أشهد أني لا ذكرت القبيله**********
**********أفرح وأنا من داخل القلب مسرور
حب الدواسر بالضماير نشيله**********
**********لاشك أحبهم والمحبهم لها دور
أفعالهم وقت الشدايد جميله**********
**********زايد وتغلب فعلهم دوم مشهور
دواسر(ن) هم عز من تنتخيله**********
**********وكل القبايل لا حشى مابها قصور
والدوسري لا مايخلي دخيله**********
**********يشهد لنا فعل(ن) مع الناس مذكور
عدونا وقت اللقا عزتيله**********
**********من فعل ربعي يشكي الذل مكسور
أنا أحمدالله كل يومن وليله**********
**********يوم أن زايد عزوتي وقت العسور
من صلب زايد لي قبيله أصيله**********
**********آلاد حسن(ن) لاطغى الظلم والجور
خيالة الحرشا سيوف(ن) صقيله**********
**********أنا أشهد أنهم عزوه لكل مقهور
منهم فرج اللي أنا أنتمي له**********
**********وآلاد عمار(ن) وشكر(ن) كالصقور
مهما أقول أبيات والله قليله**********
**********من شان ربعي أكتب أيام وشهور
أرجي من الله المعاني جزيله**********
**********وأرجي السموحه كان فأبياتي قصور .
قصيدة الشاعر / بدر بن صقر العجالين [/color]