السلام عليكم ورحمة الله وبركاته
الشاعره صالحه العيسائيه لها اخ يدعى غازي كان شابآ ورأت منه أمارات العشق لفتاة
فقامت بتحذيره بعد ان سمعته يقول:
يامرحبا باللي على بيتنا مر = رد السلام ولا معي فيه حيله
يا مرحبا عدة حصا كشب واكثر = وعدة جراد طاير من مقيله
ياحلو زوله يوم لبس المشجر = يا طى بمصبوب القدم في شليله
فلامته وو جهت إليه هذه النصيحه قائله
انهاك ياغازي عن الحب الأقشر = انهاك عن درب الهوى وتغدي له
راع الهوى يا مال جوع المجدر = ترى الهوى ماهو خطاط الحليله
ترى الهوى حسك الوبر حلوة الدر = اليا بركن حيرانها بالمسيله
وترى الهوى رمح على حارك اشقر = اللي على الركاب يكسر شليله
وترى الهوى عزمة ركيب إذا مر = عن بيت خمع ماينشط مقيله
خل الشحم والسمن للربع يكثر = مع منسف داف عليهم تشيله
من ضيننا والا فضين المتجر = عطهم ثمنهم نقد والا بحيله
ماهيب بنت اللي نعوله لهن كر = اللي على متنه مدافق صميله