مساكم الله بالخير
مشرفين واعضاء
وعسى الجميع بخير وصحه وعافيه
لي فتره طويله ما دخلت المنتدى
وان شاء الله جديدنا يرضيكم
يالله يا عالم خفايا الحشى
يا واحد بالحال داري وشايف
جرحي وكل ما قلت انه برى
عادات الايام يزودنه كلايف
وخاطري لو طاب وقلت انه سلى
لا بد ما تعصف به كبار العصايف
يا نفس صبرك على زايد العنا
اخير من راحه بعدها حسايف
نفسي تبي ذلي ونا بعزها
بقودها بيمناي قود العسايف
وبسوقها للعز ترقى وتعتلي
مكانها من فوق شم النوايف
ومن لا يضع نفسه في مكانها
بيشوف من الانذال ما كان عايف
وذيب عوى في تال الليل يقنب
من سبته فرق جموع الولايف
جاوبه ذيب بالمغازي مجرب
يقطع فجوج الارض ماهوب خايف
تمت وصلاة الله على النبي محمد
شفيعنا في يوم كشف الصحايف