في محضر سعود بنسجل افادتنا
رجل قصيد ورجل عرف ورجل دينا
نظم لـه ابـيـات تاصف حال امـتـنا
قــافــن يــوبـخ عـروبـتـنـا ويكويـنـا
لامن تــذكــرت مـاضـيـنـا وعـزتـنـا
وامجادنا وانـكـسـارات المـعـاديـنا
ثم شفتنا احوالنـا الـيـوم وتشتتنا
اول سؤالن يجي فالبال ( وش فينا )
احيان اعصب وشوفه من رخـامـتنـا
واثــور وادور اعــوان ومــوالـــيــنـــا
وانــوي نـوايـا واقول العز غــايــتـنـا
قومو ترنا مصير الموت قــافــيــنـا
واحيان اقول الزمن لا جـار يبـهتنا
واحنا مـساكـين مـابـه شي فيدينا
واتوه واسئل ضميري .. هي خطيتنا ؟؟
ولا الزمان الردي يـبـغى يـرديـــنـــا
وطوالي القا الجواب اللي يسـكتنـا
( حنا نعيب الزمن والعيب كاسيبنا )
وسلامة الجميع