السلام عليكم ورحمة الله وبركاته
اطرح بين ايديكم قصيدة لي شاركت في احدى المسابقات
وهي عن شهر رمضان والإختلاف الحاصل بين رمضان الماضي ورمضان الحاضر
الذي اختلف فيه الشيء الكثير منها قلت من يصلي التراويح والهم كله في مشاهدة المسلسلات والبرامج الغير النافعه والضاره بالأصح
واتمنى ان تنال اعجابكم
بسم الله ابدي قبل ماكتب لي ابيات=الواحد اللي عالمٍ بالخفيه
ربٍ بذكره تاجدون المسرّات=تمسكّو في طاعة الله ونبيه
حضّر يا فكري بالجزال الفريدات =نويت اشارك مير مابغي وصيه
مع رجالٍ صيتهم مابعد مات=شعّار جزلٍ هم هل الاولويه
الله يجملني و اجيب الجزيلات=وارضي وجيه الخير واهل الحميه
حنا في شهر جات فيه اختلافات=وعزومنا ضعْفت ولاهي قويه
المسجد اللي ممتلي كل الاوقات=صار امهجور وكل يمشي بغيه
شهر العفو تكثر به الإنقطاعات=غدا الرجل يقطع ابوه واخيّه
والا على التلفاز تلقى السخافات=برامج ومسلسلات رديه
هم البشر كله في تبع التفاهات=يبدلون الخير بأمحق غنيه
راحو هل الطالات اهل الجمالات=اهل الفضيلة والقلوب النقيه
اللي خذوا معهم سلومٍ وعادات=مفقودتن ذالوقت بين البريه
إنا بوقت اتبدلت به مسارات=غدا الرجل يمسي ويصبح بنيه
ونطلبك يارحمان جزل العطيات=نطلبك عفوٍ ياجزيل العطيه
وصلاة ربي عد ما قيلت ابيات=على النبي واعداد وبل الرفيه