السلام عليكم ورحمة الله وبركاتة
أخواني أعضاء منتدى قبيلة الدواسر
يشرفني أن أضع هذه القصيده
وهي مجاره لأخوي الشاعر ماجد بن عبدالله المهنا الشكره الدوسري
وعسى ان ترتقي الى ذائقتكم وذائقة أخي ماجد
قصيدة ماجد المهنا
http://www.aldawasser.com/vb/showthread.php?t=22
وجاريته أقول
ياقصيدي وأن زهتمك لاتجيـــني=غيــر بأبياتٍ جزيلاتٍ أحداد
أن بغى المنكـــوس ولا بالهجيــــني=المهم آنآ نوفيـــه المــراد
يم مــاجد يابيـــوتي وصلينـــي=وصليـــني لجل أواسيــه البعــاد
قافــه اللي من سمعتــه مهتــويني= قمـت أغنيبــه وجافيــت الرقــاد
كـل قاســي لا سمــع قــافه يليــني=الجمــاد يذوب له حتى الجمــاد
صايغٍ معنــاه باللحن الحزيــني=والسبايــب كلهــا ظبي الحمــاد
يشتكــي من عذبـــه طـــول السنيــني=ذاق لوعــات الجفــا عقب الوداد
كـن حـالك مثل حـالي ياعويــني=ياعوينــي ويش أســوي ويش فــاد
لـي سنــه وشــوي جـرح الشــوق فيني= ماكنٍ في وسط مكنـون الفواد
ماجــداي ألا التنهـــت والونينــي=وأذرف العبــرات وأصفــق بالأيــاد
خابرٍ لاجيــت له لازم يجينــي=مع مطب الريع في طرف النفــاد
قــال يامنــذر عــلامك ماتحينـــي= لاتكثر حولنــا هــرج النقـــاد
رح لأبويــه وأطلبــه بأنك تبينــي=لاتخليـــني على هــم ونكـــاد
الخطــاطيب الكثيــره مزعجينــي=وأنت يامنـــذر منـاتــي والمــراد
ثـم لفيــت العــود طلــق الحاجبينــي=قلــت ياعمــي عسـى عمــرك مــداد
جايٍ أخطـب منك أنا صافي الجبينــي=جادلٍ ريحــه كمـا ريـح الزبــاد
ثم تبسم وأبتســم حظــي اللعينــي=من سمعتــه قـال توفيــق وســداد
ثم عرضنــي جعــل فـاله فــال شينــي= عمــها ياجعــل عمــره للنفــاد
قــال محجــوره وخـل العلــم زينـــي= قبل لا تآصل علـى قدح الزنــاد
ذا وجــودي يالمهنــــا في خدينـــي=وجــد من هــو ضـاع عمــره مأستفـاد
وطرقــك اللـي من سمعتــه مهتـوينـي= قمــت أغنيبــه وجافيــت الرقــاد
وياقصيـــدي لا زهمــتك خابريــــني=ماتمـــد ألا الجزيــلات الأحــــــداد
وسلامتكم
منذر أبن حمد أبن رشود البرده الشكري الدوسري