من القصايد التي تتحدث عن تاريخ توحيد المملكة وبالتحديد في جنوب المملكة وكان لدواسر مواقف مشهود بها .
بدينا بذكر اللي رفيعٍ على السماء=رفيعٍ رقيبٍ واحدٍ لاثاني
ربٍ تعالى لا آله غيره=سبحان من هو نزّل الفرقاني
عظيمٍ جلاله منشي الغيث والمطر=ولي علينا نوحد الرحماني
علينا صلاة الخمس ونحج بيته=وادا الزكاة وصوم رمضاني
من قام بالفروض ودّا حقوقها=يفوز لا من نصب الميزاني
ويدخل ويشرب من نهور وكواكب=نهور ياردها صادق الإيماني
يا مستجيب الداعي أقبل دعوتي=عنا وعاونا على الشيطاني
فلا بد ما يجري على العبد من زلل=وعلى العبد ذنب يطلب الغفراني
ومن بعده أفضية مكنون بالحشا=مكنون أناشيد لهن اثماني
فنا صابر وكن مابي وافتكر=ما قدر الرحمن في العرباني
أساس لا سوس مكينٍ على العزا=يصير فرعه عالي البنياني
عزمت آتمثل في هدفنا لهم=مشينا بدبرة منزّل الفرقاني
مشينا من المطرح مع السحر=مواتر والجيش والخيلاني
مشينا ونور الصبح قد هو بين=ثم لحقنا الخيال بالقرعاني
أذن وحولنا نصلي لطاعته=وبعد الصلاة تبايحو الأخواني
وبعده ركبنا فوق صخرٍ تزلزلت=مواترٍ ركبو بها الشباني
وقال الشويعر ياهل الجيش اركبو=والخيل ركبت وحتما الميداني
بدنا منارلهم السيارات واقفه=معاد سارة والوعر حزماني
منها نزلنا ماحدٍ منا أتخر=وردنا عليهم وردة الضمياني
معنا شبات الحرب فرد وخنجر=ومعنا الألماني سبرة العلماني
يوم أنتحينا فلبيارق تفرقت=غرب وكثرتها نصا الظلعاني
ما عندنا أنا بنصبح مدينة=حسبت صباح اليوم للبدواني
يوم أنتبهنا لين ذي الدار عندنا=دار الخبيث الفاجر السياني
هلل أمهللنا ومشة بيارق=وصار الظفر منا على العدواني
شب الخديوي والمكينة علينا=ومنا عليهم شبة النيراني
لين أشهب البارود غدا غمامه=يومٍ جرابه شابت الورعاني
يوم الثلاثا جعل ما عله الحيا=لو الله إلى فرقو خلاني
لا وارفيق اللي غدا يوم وردنا=عساه ينزل روضةٍ وجناني
بعده طوال الليل ما ذقتنا الكرا=أبطيتنا بعده وأنا وجعاني
أسهر طوال الليل كني معاقب=أقنب وعوي كني السرحاني
وعيوني القشرا تنثر عبارها=والقلب كنه إيلاف بزرياني
صباح حرب صار للناس منعه=عز من الله فتحة البيباني
وللي قتلنا في حرض يوم وردنا=ألف وثمان خليو سدحاني
وللي منعناهم وخذ نا سلاحهم=تسعين شخصٍ كلهم شجعاني
راحوا كما جول الحباري بوردنا=لا يا الحباري جاتك العقباني
قتل شيوخٍ ما يهابون الحتف=بالكون نتلا سعود ابن درعاني
لاغاورت لصوات في كل كربه=لاذاك فراج بصوته باني
فراج بن نادر تبين بفعله=يستاهل البيضا الفتى الودعاني
وحنا هل الردات يوم الدبيله=ولاد زايد في القا ضفراني
عاداتنا ذي من عوايد جدودنا=ولاخير في هرجٍ بلا برهاني
ذيبٍ يجر عواه في كل مرقب=وكثر أعواه ينبه الجيعاني
جنايز العدوان في كل فرجه=جنايزٍ مثل الخشب طيحاني
الشاعر الكبير/ عبيد بن عجعج رحمة الله