[معلومات العضو الإداره]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ راشد بن محسن المسعري. إلتقط الصور زابن بن فلاح آل بريك منقية عريمان ريف الخطاطير = مدات جوده مايحصّى عددها. منصى النشاما والوجيه المسافير = له وقفة لاقبلها لابعدها ريف القصير ومدهل للمسايير= طلق الحجاج اللي يمينه فردها له وقفة تفحم طوال الاشابير = وقفة فخر صفّق لها من شهدها يوم إنتخا به من بلته المقادير= السيف سل وذنبه امر وادها لبا له إللي مايعرف المعاذير=شيخٍ يروم الطايلة ويعمدها عزوات جدانه تفك المضاهير = الاد مسعر مسعدة من قصدها في ليلة من ليال الفرح والاجتماع وليالي ام رقيبة الخالدة ، اقام الشيخ عريمان بن محسن الدويخ الدوسري حفلاً كبيراً بمناسبة مشاركته في مهرجان أم لمزاين الإبل لعام 1434هـ .وقد أقيم الحفل يوم الثلاثاء 1434/2/12هـ الموافق 2012/12/25م وقد حظي هذا الحفل بعدد كبير من شيوخ وأعيان وملاك الإبل من قبيلة الدواسر وقد حضر موقع قبيلة الدواس الرسمي إثر دعوة تلقاها من الشيخ عريمان بن محسن الدويخ وقام بإجابة الدعوة بحضور كلاً من إدارة الموقع الأستاذ فهد بن هادي الغريري و إداري الموقع راشد المسعري والمراقب محمد سالم الخضراني والمراقب العام عبدالرحمن بن فلاح آل بريك وعضوي الموقع زابن بن فلاح آل بريك. الشيخ عريمان بن محسن الدويخ الدوسري من اليمين الشيخ عريمان بن محسن الدويّخ وبجانبه الشيخ محمد الثقيل العتيبي الشيخ حسن بن هذال الدوسري من اليمين/ هادي عرنان المسعري ثم الشيخ سعد بن قرنين من اليسار الشيخ جمحان بن عرار بن صلال محسن بن عريمان الدويخ في الوسط الشيخ ماجد بن فرج آل بوسبّاع من اليمين فهد بن هادي الغريري ثم الشاعر عبدالعزيز الدلبحي ثم الإعلامي حنيان الدوسري العقيد حسن بن منصور الشرافي في الوسط الشيخ غضيّان بن محسن الدويّخ الإعلامي حنيان الدوسري ثم الشيخ عبدالعزيز بن محمد بن مشرف العجالين المنشد / محمد بن فراج الأكلبي من اليسار/ سلطان النحاوي " رفيق درب الشاعر بندر بن سرور" . فـقـرات الحـفـل إنطلقت فعاليات الحفل المنبري عند وصول جميع الضيوف التي قدمها كلا" من الأستاذ حنيان الدوسري و الأستاذ تركي الدوسري وقد بدأ الحفل بآي من الذكر الحكيم تلاها مسفر بن محماس الاعلامي حنيان الدوسري الأعلامي تركي الدوسري محسن عريمان بن محسن الدويخ ومن ثم كلمه لراعي الحفل الشيخ عريمان بن محسن الدويخ الدوسري يليقها نيابتاً عن ابنه محسن عريمان بن محسن الدويخ ولأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . ألقى الشاعرشافي بن محمد آل بوسباع قصيده بهذا الحفل الكبير. الشاعرشافي بن محمد آل بوسباع الشاعر محماس بن هادي المسعري ثم ألقى الشاعر محماس بن هادي المسعري قصيدة بهذا الحفل الشاعر سلطان بن محسن المسعري ثم ألقى الشاعر سلطان بن محسن المسعري قصيدة بهذا الحفل حيث يقول في قصيدته : وقفت العز حان اليوم موعدها=تحتري من يبوج الجمع بحضوره ساعتن كل تاريخن ايخلدها=قدم كل البشر بالصوت والصوره النواميس نادت من يراودها=فعل يمناه والوقفات مخبوره نادرن سمعته بانت نوايدها=عند ربعه ومع لجناب مشهوره الدويخ اخيار الوضح وردها=رايت الفوز والعدوان مدحوره صيفت بالشفا واليوم موعدها=مهرجان الغوالي عند اخونوره وضح شيخن يهون من يعاندها=لا بدا عرضها واصتف طابوره كنها مزنت هلت قلايدها=من عطايا الولي للخير ماموره ومثل طخ البرد للي يشاهدها=كل عجمن بزين الوصف مذكوره ما يفارق رعى القعده توددها=من ولعها الندب الصوت مصطوره جابها الي تنقى في نوايدها=ما كنز دونها ماله ومذخوره زايدين اعلوم الطيب زودها=طيب والبيض لعريمان منشوره اشترا الي ينومسنا تواجدها=من طنا الطيب في راسه ومن شوره كل وضحن تشوقك في تسندها=والظهر منتكس للورك وزروره فارعن وارقبتها كنك جاردها=والنحر باب شيخن ما قفل سوره وقوس خشمن اسبلت الوجه فاردها=في حلايا الدبش ما شفت له صوره زين برقابها وسمه امقلدها=شاهدن يمن البل ماضي اعصوره وسم ربعن تفاخر في عوايدها=لاد مسعر بنو للمجد مقصوره لابتي ماضي التاريخ شاهدها=وعند عزوت اصخاف الشول منصوره الدواسر سما لمجاد رايدها=يوم كلن بفعله تافي اشبوره تتعب افعالنا منهو يعددها=من قديم الزمان وماضي اعصوره لا دحمنا جموع القوم نبعدها=ون تقدم ولدنا يحتمي دوره كل عامن عوايدنا نجددها=لا اغتبى نجم نجمن يبتدي نوره الشاعر طنف بن سعود آل قرنين ثم ألقى الشاعر طنف بن سعود آل قرنين قصيدة بهذا الحفل المنشد حسين آل لبيد ثم ألقى المنشد حسين آل لبيد قصيدة بهذا الحفل [youtube] الشاعر عبدالله بن مناحي العصيمي ثم ألقى الشاعرعبدالله بن مناحي العصيمي قصيدة بهذا الحفل حيث يقول في قصيدته : إلى ازدحم قدم المنصه شواعير= لي وقفة لامن دعيت اعتمدها اقدم على حشمه وشيمه وتقدير = وانقى من جزال البيوت وجددها اصرف نوادر مثل صرف الدنانير= لاسمعها الناقد سكت مانقدها ارضي بها نفسي وذوق الجماهير = واثني على رجال توفي وعدها قالو نبي بكره نخوض الطوابير = قدم الملا ويحلها من عقدها حان الوعد والوضع مافيه تاخير = والسابقه ماتظهر الا بيدها جات البكار اللي تشوق النواظير = سبحان من سوا الرقاب وجردها طفح لواحيها تهول التفاكير= ماكنها الا تذرع الارض يدها. تحدرت مثل المزون المزابير = اللي تلاعج برقها مع رعدها لين استوت من فوق هاك العثامير= ثم سبلت ماها وهلت بردها تزعل لها ناس وترضي مناعير= عين تكحلها وعين رمدها متناسقه ماكنها الا على بعير = باوصافها والوانها وابجلّدها اشباب مافيهن خلف ومعاشير= دايم على القعده تداحم وحدها حتى الا من جا هجيج وسعاطير = مافيهن اللي تلتفت في ولدها ازعج لها بالصوت يالله عسا خير = وطق اللبيد وقعدة الذود قدها ولا شوشت عفر البكار الخواوير = اركب وعطها صيحتين وزدها يجن زرفات البكار المغاتير = من حمقها قام يتقطع زبدها ياهل المزاين صار فالعلم تغيير = مشت من الوادي وجت في وعدها ماجت بجاهيه ولا مجاملة غير= ولا جت بشيكات طويل امدها. نقوات ماردها على جمة البير = واغلى الجوايز فالزحام تحصدها. باذن الولي علام غيب المقادير = الاوله من قسمها تفتردها في ساعة فيها تزف التباشير = بالجايزه واللي زرعها حصدها لمأسس الدوله ومن كف الامير= ومن لجنة كل الرجال تحمدها منقية عريمان ريف الخطاطير = مدات جوده مايحصّى عددها. منصى النشاما والوجيه المسافير = له وقفة لاقبلها لابعدها ريف القصير ومدهل للمسايير= طلق الحجاج اللي يمينه فردها له وقفة تفحم طوال الاشابير = وقفة فخر صفّق لها من شهدها يوم إنتخا به من بلته المقادير= السيف سل وذنبه امر وادها لبا له إللي مايعرف المعاذير=شيخٍ يروم الطايلة ويعمدها عزوات جدانه تفك المضاهير = الاد مسعر مسعدة من قصدها مركاضهم يشبع به الذيب والطير = وافعالهم فوق النجوم وعددها تفرح بهم دق البكار المصاغير= لاحال دون الجل قومٍ بعتدها ثم ثارت الهيجا بعج ومعاصير = وكلن تلفت للسيوف وجردها وردو حيام وكل مكتوب بيصير = وكم طامع في طرقته ماحمدها ذولا مقاديم وذولا مدابير = ثم عودت عطف وجاها سعدها اقوالهم حد السيوف البواتير = واللي يبى الفتنه تموت بمهدها فكاكة الابواش ستر الغنادير = لطامة الاخصام درع لبلدها وقت الجهل مايكثرون الاشاوير = مثل الحرار اللي ينومس هددها الحق صغته مايبا الحق تبرير = من راس شاعر حافها ثم نقدها وقدمت من جزل الحكي والتعابير = نقوة عتيبي وقف واعتمدها الشاعر محمد بن سالم الخضراني ثم ألقى الشاعر محمد بن سالم الخضراني قصيدة بهذا الحفل حيث يقول في قصيدته : يأهل الوضـح موعدكـم ورى الصمـان=فـــي نـفــوذ غـزيــر الــوســم مسـقـيـهـا كــــل يــــوم عـلـيـهــا يـمــطــر الـــــودان= فـــابـــرك ايــامــهــا وابـــــــرك لـيـالـيــهــا لـلـتـحــدي بــكـــار ولـلـسـطــر مـــيـــدان=والــنـــوادر تــبــيــض وجــــــه راعــيــهــا الـهـقــاوي كـبـيــره والـجــنــوب أمــتـــان=نــدحـــم الــقـــوم ونــضــيــع هـقـاويــهــا الــدويـــخ بـــكـــاره تــســلــب الاذهــــــان=تخـلـف الـلـي حـظــر يـبـغـي يمـاريـهـا أنده الوضح باعلا الصوت ياعريمان=الــوعـــد حـــــان والــمــيــدان يـدعـيــهــا الـطـبـايـع عـجـيـبـه والـوجـيــه أزيـــــان=مـــن نـظـرهـا رجـــع غـصــب يـبـاريـهـا لـونـهــا مـالــبــرد والــلـــول والـمــرجــان=نــــدرن جــــل مــــن بــامـــره مـسـويـهــا جلـهـا مـــن يـشـوفـه يـذكــر الـرحـمـان=ودقــهـــا كـــايـــف والـــزيـــن كـاسـيــهــا بالتـنـاسـق نـقـاهــا مــكــرم الـضـيـفـان=ليـن حـارت عيـون اهـل النـظـر فيـهـا جـابـهــا بـالــريــال وبـالـنـظــر والــشـــان=مـاتـغـالا الـثـمـن فـــي يـديــن مغـلـيـهـا ملـك شـيـخ طـروقـه تتـعـب الشيـخـان=مــــــن حـــــــرار مـعــربــتــن مـجـانـيــهــا لاد مسعر ذرى الخايف عمـا العـدوان=يــوم ضــرب النـمـش تـعـرف عزاويـهـا لابـــــةً فـالـمـواقــف تـــرجـــح الــمــيــزان=كــــــل مــاكــبــرت الـــقـــالات تـنـهـيــهــا الــدواســر مــــدى الـتـاريــخ والازمــــان=يـشـهـد لـحـاضـر الـوقـفـات مـاضـيـهـا تـكـسـب الطـايـلـه والـمـجـدلـه عــنــوان=وتكـسـب الـنـعـم لامـــن حـــل طـاريـهـا لـلـمـكـارم ارجــــال ولـلــوغــى فــرســـان=مـاتــغــيــر مـــــــن الـعــلــيــا مـبــاديــهــا ثم ألقى الشاعر عبدالعزيز الدلبحي قصيدة بهذا الحفل حيث يقول في قصيدته : البل عطايا الله لخلقه كل مافيها جميل = يدري بها اللي للمزاين جاء يسوق رعيته واهل النظر تفرق بنظرتها المهجن والأصيل = ما احدن من اللجنه مقيمها على حريته لوماش نظرة عرف كان الفوز فيها مستحيل = من يقنع الوبال عن هقواته بمنقيته والعام هذا ياهل الوضح الثلاثين السبيل = للمركز الاول لا حدن يبيته في نيته ياسامعي والمركز الاول على عرف ودليل = قبل النتايج بشر اللي فازو بملكيته بشر به اللي وسمهم على العصا يحمي الدخيل = والناقه من القوم حيه والضواري ميته آلاد زايد يومها بالرمح والسيف الصقيل = ماراح بيديهم من الأعداء ما ترجى جيته بشر به اللي في المواقف لا ذليل ولا بخيل = شيخ تشكل كل طيب الناس في شخصيته بنات فكر الشاعر المبدع على مدحه تميل = تعشق مكارم مدته وتهيم في عفويته يالاد مسعر ياكعام الضد مقباس الفتيل = تفاخروا بالشيخ ابو محسن وفي ذريته مواقفه ماهيب كلمة ما تبرهن بالدليل = ومراجله تتعب حروف الشعر مع قافيته مراجله مواقفٍ تخلص عميل من عميل = وقصرن على قول السديري ما توصف فيته ومراجله وضح غوالي ما يماثلها مثيل = تفرح بها الأصحاب والمغرض تزود كيته ومراجله مدة يمين مثل همال المخيل = تحيى بها بعد المحل جرد القفار الميته ومراجله وجه وجاه وكلمةٍ تشف الغليل = وخضر الرقاب الهالكه تفتكها جاهيته ماينقل الا الكايده ولا يشيل الا الثقيل = كن الفعول الطيبه عنده ضمن ملكيته علاقتي معهم ماهي يومين والا ظرف ليل = علاقتي معهم على مر السنين متيته هذي شهادة حق في ميزان عدلن مايميل = يسوقها الاعجاب والانصاف في ماهيته من شاعر بنات فكره ما تجيب الا الجزيل = ومنطق لسانه يكشف اللي كامنن في نيته الشاعر مدشوش بن مسفر الأكلبي ثم ألقى الشاعر مدشوش بن مسفر الأكلبي قصيدة بهذا الحفل الشاعر محمد بن برجس المصارير ثم ألقى الشاعر محمد بن برجس المصارير قصيدة بهذا الحفل الشاعر عبدالله بن مقيت القحطاني ثم ألقى الشاعر عبدالله بن مقيت القحطاني قصيدة بهذا الحفل الشاعر معضد بن عتيق الشيباني ثم ألقى الشاعر معضد بن عتيق الشيباني قصيدة بهذا الحفل الشاعر محمد بن حسين آل قرنين ثم ألقى الشاعر محمد بن حسين آل قرنين قصيدة بهذا الحفل حيث يقول في قصيدته : من ديار الزايديه وهذيك النفود=صدرت وضح الاباكيرمن مصدارها وارده لم الجوايز على هذا الوجود=جايزت صقر الجزيره بكل اقطارها يوم كلآ ساق صوب المزاين كل ذود=جات له عسم الايادي يكث اغبارها كل وضحآ طافحت لحي بالممشا تزود=الرقاب اطوال جردآ تزيد اشبارها قايمة عرنون بالخشم وعراض الخدود=والاذاني خرع ومعكرشات اوبارها من فخامة روسها كن بكرتها قعود=البكار اللي من الزين جتك اسرارها ياعريمان الدويخ على العليا سنود=من جزالت طيب الفعل نلت اكبارها من بيوت العزوالمجد لاركز العمود=لابتآ تكرم راع الطيب لامن زارها مايحسب للخساير ومصروف النقود=لجل وضح نادرآ جلها وبكارها يضرب الميدان في العرض واليمنى تجود=قسمته وان قاله الله يجيب اخيارها ذي صخاف الشول عزوت قويين العضود=لاد مسعر صالت بنجد قب امهارها ينثنون بشذرت السيف من دون الحدود=عايشن في مكرمات الضيافه جارها دون قاصرفي جميع القبايل والحشود=كل قومن تفخر بطيبات اذكارها؟ ياجليل الملك ياربنا الفرد الودود=طالبك طلبه تثمن لنا مقدارها تحفض الامير مشعل وكل آل السعود=كل خلق الله إليهم تلد انظارها ارفع اعلام الولايه وتجديد العهود=للمليك ودولة المملكه وشعارها وبعد القصائد المنبيره كان هناك موعد مع فقرة مجلس الروّاد مع الاعلامي والشاعر نايف بن مسرع. وضيوفه في هذه الامسية كلاً من الشاعر سلطان النحاوي والشاعر مبارك بن بخيت السبيعي والشاعر محمد بن قحيفان الخضراني والمنشد جابر آل جوزاء وكان هناك موعد مع الامسية الشعرية مع المبدع الاعلامي حنيان الدوسري. وضيوفه في هذه الامسية كلاً : الشاعر سعود الحافي والشاعر عبدالله بن مرهف البقمي والشاعر عبدالله السمين الحربي والمنشد محمد فراج الاكلبي... صــور عــــامــه من الحفل وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لشيخ عريمان بن محسن الدويخ الدوسري على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه (صوت قبيلة الدواسر) منتدى قبيلة الدواسر الرسمي www.alduwaser.org/vb