هذه القصيدة قالها ناصر بن ثلاب أل مصلح الخييلات في هجاج حليس بن جريس الخييلات حين ما أصلح بين جماعته:
إهداء ألا الأخ الفاضل/ هجاج حليس بن جريس الخييلات
.
يا راكب اللي من حفيزة مسلم=توه جديد وكامل بالتواصيف
ينصى ربوع شوفهم يبعد الهم=خوالي أل حجاج ربع عواريف
لا من جيبت البيت الأدنى فسلم=تلقى الشحم والبن عند مكرم الضيف
هم الرجال اللي لهم شيم وقيم=وهم الرجال اللي تعرف المعاريف
من لافهم من ماضي الوقت يفهم=هم لنا درع وحنا لهم سيف
ترى حيكم الرأي الي يتحكم=ما يستمع كلام ناس ملاقيف
من وصلة النمام يقول له قم=يا اللي علينا تصنف الكذب تصنيف
وعادة النمام ما يخلي النم=عاداتهم يفرقون المواليف
لا نافع خال ولا نافع عم=واللي غزو به مفلسين مناكيف
لا منة لا خير ولا فيه مغنم=كأنه إبليس واحذفوه بمحاذيف
وفهد فهدنا لا بغى لازم تم=ما يهمه اللي يولف الكذب توليف
له موقف يوم القبايل تلاطم=له موقف يشرف الرأس تشريف
لاد الخييلي كل أبوهم بني عم=شجعان الي منه مشى الحيف للحيف
هجاج بن حليس عساه يسلم=اللي أجتهد ألين جت له على الكيف
يا الله عسى يفداه اللي له يذم=ويذمة اللي في القدى ما بعد شيف
هو الزعيم ويستحق يتزعم=حللاهما فتالها في المواقيف
ذا قول من هو بالحقيقة تكلم=قال الحقيقة دون نقص وتزيف
وصلوا على المختار بالشعر نختم=على رسول حارب الشرك والزيف.
الشاعر: ناصر بن ثلاب أل مصلح الخييلات