السلام عليكم ورحمة الله وبركاته
بعد طول الغياب
اهديكم هذه المتواضعة
على شان من نتعب على راحته وارضاه = نسوق القدم لعيون مركوز الانهادي
تعنيت له في طرقتً طولها طولاه = على اثر كلامه يوم لزم بالاوعادي
وجيته عقب صبرً صبرته على فرقاه = وانا اقول ياجعل الرجا فيه ينقادي
لفيته وهو خجلان ثم مد لي يمناه = ولا شفت كفه لين صوت لي اينادي
وقال السلام وقلت من منطقك مااحلاه = وقدم علي هديتً شكلها عادي
حذفها علي واقفا وانا اقول آه وآه = تريض وتو الليل ياصاحبي بادي
وفتحت الهدية مير يازينها زيناه = خليطً من العنبر مع المسك والكادي
هديت وفاء من صاحبً مانريد اسواه = لها ريحتً تنعش مريضين الاكبادي
وشميتناها شمتً عقبها ماانساه = وطفت لهيبً كان بالصدر وقادي
وعودتنا ساري عقب صاحبي شفناه = ودمعي كما سيلً حدر له معى وادي
وسلامتكم