مرثيـــــــــــــــه
يا موت تكفى رجع الي اخذته=الصاحب الي ضحكته تبري الروح
شف حالتي يا موت جسمي نحلته=خله معي يا موت لو يوم ويروح
وين الصبر يا ناس قلبي فقدته=وش لي بدنيا ما بها ضحك ومزوح
وين الصبر يا ناس قلبي فقدته = راح الاخو راح الخوي راحت الروح
يبوني انسى شخص مبطي سكنته=اهو سكني وصرنا اثنين في روح
مرحوم يا شخص عزيز فقدته=راح وتركني شايل الهم مجروح
وصيتي لين مت وقبري دخلته=حطوني جنبه وانا فاقد الروح
يهل دمعي لين مني ذكرته=طيفه معي من وين ما جيت واروح
لا تذرفون لدمع دامي وصلته=خلوني بجنبه اسد جرح مفتوح
اللهم ارحم موتانا وموتى المسلمين.اللهم اغفر له وارحمه.واغسله بالماء والثلج والبرد.
واجعل قبره روضة من رياض الجنة يارب العالمين