سلالام
عـن عشـا التكريـم يكفـي سندويشـه
وعـن ظـلال القصـر يكفـي ظـل عشـه
شـايـمٍ شـومـة نــداويٍ صــف ريـشــه
عابـرٍ فــوق البـحـوور وعــاف عـشـه
الوقـوود امحصّلـه فــي كــل شيـشـه
وشي ممنووع الوقووف اشلون ادشـه
مالفيـتـه مــن قـطـر مــن قــل عيـشـه
يقـطـع الله راس مـــن راســـه يـخـشـه
ومــن يبـيّـت نيّـتـه (يـحــرء حـريـشـه)
دام هــو جــاه البـعـووض ولا يـكـشـه
وانـت ياللـي شـف بـالـك تـمـر بيـشـه
طـيــر خـلّــه لـلـهـداد وطــيــر عــشــه
لاتـظـن انــي مـثـل خـاطـي نشـيـشـه
رفـقـتـه لـــك دام بكـفـووفـك تـرشــه
الـربـيـع الـلــي صـنـاعـيٍ حـشـيـشـه
مـا مـلا عينـي كـثـر سـقـووه ورشــه
ماغـتـرنـي مـنـظـره مـــع الـدريـشــه
ولاغتـر راعـي الـذلـوول وحــط قـشـه
مسـكـنٍ بالـعـز لـووهـو بـيـت خيـشـه
عندي افضل من جفـا الجاهـل وغشـه
وصاحبٍ ماني على الووقت استحيشه
ويـش ابـي بـه دامـهـا الاخــلاق هـشـه
والخطـا اللـي نيّتـه مـا هـي غشيـشـه
امسحـه بالطيـب فـي دقـنـي وامـشـه
محمد بن فطيس