::: مـنتدى قبيلـة الـدواسـر الـرسمي ::: - عرض مشاركة واحدة - الشاعر الأميرسعد بن سريع ال سريع الرجباني الدوسري رحمه الله

**معلومات** **العضو** · 10-12-2005, 12:37 PM


	الشاعر الأميرسعد بن سريِّع بن سليمان بن عبد الهادي الرجباني الدوسري رحمه الله هذا الشيخ الشاعر الأميرسعد بن سريِّع بن سليمان بن عبد الهادي الرجباني الدوسري رحمه الله امير المعشبه بسدير من الرجبان الدواسر , رجل يمتاز بالأخلاق الكريمة , له هذه القصة الأكثر من رائعه وهي تدل على عزت نفسه وكرمه وتدينه, يقول أبنه كان أبوي هو المسئول عن جماعته , وكان يغلب على الناس في نجد في ذلك الوقت قل مافي اليد والفقر , يقول في يوم من اليام طلع أبوي وراح يم ديره حولنا, وجاب منها ثلاث أصواع شايلها على راسه , ويوم أقبل على البيت ولآ هذولآ الضيوف ينوخون الرحايل عند الباب , يقول دخل مع الباب الثاني وقال لم أعياله خوذي هذا وخليه يكفي الضيوف لين يمشون أنا وأعيال مانبي شيء , يقول تعشوا ومرحوا وفطروا من باكر ومشوا , يقول والله قعدنا ثلاث أيام من بعدهم ماكلنا شيء , فقال أبوي هاذي القصيدة ألي أنتشرة بين الناس لأنها تحكي مايعانون : البارحه ساهـرٍ والقلـب يجتالـي * ماهملجت حيث صالي القلب صاليها يا الله ياخالقي مـن مـدك أسالـي * تجيبلـي دعـوه يـاالله داعيـهـا تيسر أمري بفضل منـك ياوالـي *وتكون عوني على حاجاتي أقضيها درة الفكاير وقسة النـاس فلحالـي كلاً على ماجرا لـه راغـب فيهـا دنيا تشيب الوليد بهـول وهوالـي قامت تخبط ولا أدري وش تاليهـا ترثع على الناس تاطى خبط وجفاليسبحان ربٍ على هل أمر مجريهـا من يوم ربي خلقها أقفـاي وقبالـي دوايـل بيـن أهلهـا ليـن تفنيهـا أحد مشت في هواه براحت البالـيمطيعتلـه ورب البيـت هاديـهـا مانيب طرب على زينات الأمثالـي لاشك من عبـره بالعيـن كاميهـا شيبة قبل المشيب ونشفـة الحاليكن أبو صيخان بالقـدوم باريهـا متهيض يوم أشوف الدوب بعيالـي مثل القرافيش مع شـاوي أمخليهـا جوعا وعريا ولالي حيل أبحتالـي ألا علـى الله أنفـوس مايخليـهـا الله على العوص عوص تقطع الآلي ضباط لشيل ماشد الصعـب فيهـا نرحل عليها لعـل الهـم ينجالـي ونفارق الصاع والكيسه وطاريهـا ماعادلي في قرايـا نجـد منزالـي لعل وبل الحياء والصيف يسقيهـا دار على ديـن رب واحـد عالـي ومن مات منا لعلـه ميـت فيهـا أن جاكم أحد قولوا هل القصر خالي غايب وأنا ملبـد بقصـا موازيهـا هذا العذر منك خليني علـى فالـي عن مقعد الذل نفسي فيـه قاصيهـا يامرسل الماء على أسماعيل بالحاليومه تردد ونزع المـوت حاديهـا عجل فرجنا بنـو يشعـل أشعالـي مزنت خريف ورب البيت منشيهـا تنثر مطرها وفيء الظهر مازالـي لين البطاحـي تضيقهـا مجاريهـا يطيب نومي الشفت النخـل سالـي وجم الركيه تعلـق فـي مطاويهـا وصلاة ربي عدد ماهـل همالـي على نبيـه عـدد ناشـي نواشيهـا ************************ نسب أسرة آل سريِّع وموطنهم : آل سريِّع من أهالي بلدة المعشبة بمنطقة سدير في نجد . والمعشبة بلدة خاصة بالدواسر ، أسسها جد الأسرة عبد الهادي بن محمد بن مسند بن فيصل آل عويمر آل محمد بن بَراز الرجباني الدوسري . وتقع في أعلى سلسلة جبال طويق الفاصلة بين سدير والوشم ، وبها مركز أمارة تابع لمحافظة المجمعة وسدير ، واميرها حالياً هو الأستاذ : أحمد بن سعد بن سريِّع بن سليمان بن عبد الهادي . وعبد الهادي المذكور له من الأبناء : 1- سليمان ، وذريته هم آل سريِّع في المعشبة والرياض وجدة والقصيم . 2- تركي ، وذريته هم آل سيف في المعشبة والرياض . 3- سعدون ، وذريته هم آل عبد الهادي في الزبير والكويت والرياض . وآل سريِّع ( وأبناء عمومتهم المذكورين ) هم من الرجبان من الدواسر . وصلى الله على نبينا محمد خالد بن احمد بن سريع بن سليمان الرجباني الدوسري المعشبة بسدير