بيض الله وجهك اخوي ابو مبارك و لاهنت
فيه قصة صارت بين اثنين أشتهرو بالكذب و صار بينهم مثل التحدي
من اللي يجيب أكبر كذبه الليله
احضرو الشباب و صك المجلس بالرجال المهم قال الاول
يوم من الأيام كان أبوي مسافر على ذلوله و يوم جاه الليل ثار الهواء و بدت العواصيف
تذرا الهوا في و جهه و ما قدر يتحمل و راح يدور شيء يتذرا فيه و هو يشوف جهام ذاك الجبل
و ينصاه يوم و صله برك الرحول و عقله و زحف حدر مصافط الجبل و نام .
يوم جاء الصبح قام يطالع في الجبل اثره لين و ريحته ماهي غريبه يوم برقو ودقق صار( فقعه) و ركب الذلول قام يبعد يبي يشوف راسه من كبره .
و سلامتكم و هاذي سالفت ابوي
قالوا الرجال يا ابو فلان عطنا سالفك
قال / سنه من السنين جاب ابو 100 صانع خلاهم يصنعون له قدر كبير حتى ان الواحد منهم يطق في
القدر ما يسمعه الثاني من بعده عنه .
قال القصاص الأول / يا كبره من كذبه .
قال القصاص الثاني / يالله يطبخ فقعة ابوك .
و السلام