الســـــــــــــــــــــــــــــــــــــــــــــــ ـلام عليــــــــــــــــــــــــــــــــــــــــــــــك م
هذي قصائد رثاء في الشيخ /مفلح بن عبدالله الهواشله الدوسري رحمه الله
قصيده رثاء من الشيخ/ الصيفي بن فهيد الهواشله الدوسري |
ياسين يالي رحل من دار ياسين =ياسين يامكرم للضيف والعاني
ياموت ماارضيت منه مدة سنين = أخذ معه سجة ولا العمر فاني
ليته لنابالثمن وادفع مـــــلاييــن = ادفع ملايين كاشا وازهم الداني
ادعو معي وأمنوا له يامصلين = في جنة الخلد له مسكن وعنواني
**********************************************
قصيده رثاء من الشيخ /الصيفي بن حمد بن ضويحي الهواشله الدوسري |
بديت باسم اللي علا منشي امزان = مجري دهور الوقت بأمره سقاها
مجري صدوف الدهرواقدارالازمان = ونهاية المخلوق من مبتداها
جتني حروف تحتري نظم الاوزان = استرسلت والفكر اروى ضماها
حان الرثاء والشعرهمسات وجدان = هيضت قافن" تحزن اللي قراها
مرثية زادت على الحزن بركان = تفجرت من هاجسي ثم دعاها
اي والله اكتب واحكر البيت يافلان = فيما يجول بهاجسي واحتساها
في موت من حبه تمنيت ماكان = حكم القضاء مافيه نفس"نساها
يشعى خبر موته تناهيت الاحزان = اخبار موت القرم يقوى صداها
مفلح خذاه الموت للقبر سكان =والروح الى وقف القضاء منتهاها
عزاه راح العود واقفى كحيلان = لاشك درب"ومابقى من وطاها
مات الذي من خيرة الربع وحصان = ربعه مع الاجناب تلقى عزاها
راح الفقيد اللي بفرقاه خسران = فقد الرجال اللي علا مستواها
تبكيه عيني باصدق الدمع هتان = من حب ذاك العود اهدرت ماها
مرحوم ياقرم"على الناس نيشان = تزهى علومه واعتلى معتلاها
قرم" حشيم" عند ربعه وله شان =عند الملوك اللي حشيم نباها
ويالله تلهمنا على الصبر سلوان=يحسن عزاء عينن تكابد بكاها
يحسن عزانا فيه حسناك رحمان =عليك تخفيف الهمو م وعناها
ويالله يالمعبود في ركن الاحسان=ياخالق" السبع الاراضي وسماها
ترحم ابونا تسكنه بين ريضان =وعسى الملا يارب تقبل دعاها
صلواعلى اللي بالملا اصدق انسان=اعداد من شاف الحرم او نصاها
************************************************** *
قصيده رثاء/مدعث بن مفلح الهواشله الدوسري (ابو سلمان) |
فاح الصدروهموم قلبي تزيـــــده =من واهجن يوقد على جمر الأحزان
ويا راجفن بأقصى الضماير رعيده =كــــــن الحــــشا يصلى فوق بركان
فـــــجيعه حلـــــت علـينا شديده =مصــــــيبتن حار الفكر فيها ولذهان
يـــــــاوالله اللــــي راح منا فقيده =نـــــــــور البصر ماينتعوض بالأثمان
وينفــــــدا أروحنــــــــا له شهيده = أروحناترخص فدي لبــــوي كحيلان
مـــــــرحوم ياشيخ خصاله حميده =طلــــــــق الحجاجين ذرب الأيمان
ركن من أركان الـــــــجماعه وليده =منصى وفراج الكرايب كــــــحيلان
لاثقلت حمول وحــــلـــــــت نكيده = ثارونقل حمل الحــــــمايل بليهان
حزام ربعه بالشــــــــــدايد سديده =مثله قليل بالخـــــلايق والأوطان
حـــــــازالمــــــراجل كلها بالوكيده =عداوتعدا كاســـب الطيب لاهان
مامات من خلف عيالن رشيـــــــده=ومامات من صيته مع الناس كسبان
قابله ربي وسخرالله عـــــــــــبيده =وبذن الله المقبول يجزى بالاحسان
هان المصاب بشوف خلقن عـــديده =من شفت أنا المسجد من الجمع مليان
وسارت جموع الخلق خلفه شهيده =يالله عساه بروضه الخلد وجنان
وصلاة ربـــــي عد وبلن مــــــــديده =على الحبيب الهاشمي نسل عدنان
************************************************** ***
مع تحيات / ســــــــــــــــــــــــــــــــــــــهــــــــــ ــــــل
الجـــــــــــــــــــــــنـــــــــــــــــــــــ ـاب |