فكّ الهموم اللي بقلبي مشابيك=دامك على سرّ الضماير تموني
لا تحسب اني غافلٍ عنك ما أبيك=إلا تراها منك جنّت جنوني
حطّيت من بيني و بينك شرابيك =ما تدري إنك واثمٍ بالظنوني
قل لي ويشّ اللي تنقله لي مخابيك=ما يكفي إنك مسهرٍ لي عيوني
لا ناموا الهجّاع طِرت لمرابيك= اذكر زمن دارٍ و أهلها نسوني
كمّ مرةٍ عنّيت خيلي مدابيك=لحماك يا ترف القِدم يا فتوني
و اليوم تجزاني بصكّ الشّبابيك=و من أوّل ما ودّك تعيش دوني