::: مـنتدى قبيلـة الـدواسـر الـرسمي ::: - عرض مشاركة واحدة - رد على قصيدة مسعود بن سعد المقابله
عرض مشاركة واحدة
قديم 11-04-2015, 08:30 PM   #1
 
إحصائية العضو







ابن مدعث متصل الآن

ابن مدعث is on a distinguished road


:e-e-5-: رد على قصيدة مسعود بن سعد المقابله

هذه القصيدة رد على قصيدة
الشاعر مسعود بن سعد المقابله
التي أسماها
(الملحمه الدوسريه )
التي تطرق فيها الى ذكر افعال الدواسر ولم يتطرق الى ذكر افعال آل عمار ضمن أفعال الدواسر اللي ذكرهم......
والتي لايجهلها التاريخ ولايجهله احد
ووثقها الشعراء........

بديت بذكر رب(ن)عابدينه
اله الكون رب(ن)مرتجينه
أنا اللي هيض الفكر وحداني
على بدع البيوت اللي ثمينه
قصيدة شاعر(ن)قال وتهيض
يعد القول وإنا عارفينه
يعد فعول كل الدوسريه
وتجاهل فعل وانتوا خابرينه
تجاهل فعل سربان المحازم
هل الجوخ الحمر هم لابسينه
فسلام الله عليكم ياربوعي
عدد ماهل وبل(ن)من غشينه
وعدد من حج بيت الله وزاره
وعدد من فالسجون مكبلينه
وعدد مليار في مليار واكثر
يجيكم من طرفنا مرسلينه
على فكسار لاند كروزر ابيض
جديد(ن)من الوكاله مظهرينه
يعم اهل القرايا واشملوبه
على اهل السيح ربعي محتمينه
ويعم الخرج واهل الخرج ربعي
لهم فعل(ن)ولا انا جاهلينه
ويعم اهل الرياض ومن سكن به
لهم مجد(ن)علا ومصطرينه
ومن عقبه يحدر صوب دار(ن)
بوسط العرق والا فاهقينه
سلام(ن)من ابن مدعث تعمه
تعمه فالقرايا و المدينه
على لآد العميري صلب جدي
موردة السيوف اللي سنينه
فعايل لابتي لامن طرت لي
يشوش الراس فعل(ن)كاسبينه
غزانا جابر(ن)ويا اجموعه
يبون الغرس وانا مانعينه
يبون الغرس زينات النوايع
احموله فالجريد معدلينه
كسرنا جموع يام(ن) والمرضف
كسرناهم بيوم(ن)محتسينه
كسرناهم وجابر في نحانا
كسرناهم وجابر ذابحينه
وكسرنا الترك يوم انهم غزونا
بجمع(ن)للحرايب ذاخرينه
وردينا العشاير يوم راحت
بيوم(ن)لاد مشيب ماخذينه
لحقناهم وخطمنا عليهم
حبيليص(ن)وجهز(ن)شاهدينه
وقفنا فالعراص وحن ثبتنا
ولا هبنا جموع(ن)حاضرينه
يوم ابن حفيظ يزهم ينتخينا
افداه الروح وانا جالبينه
وزبنا الشيخ راكان المسمى
ابن حثلين حنا مزبنينه
وزبنا سعود في وقت(ن)مضاله
بوسط السيح حنا ممنينه
وهذي فعولنا وفعول اهلنا
ذكرنا بعض من اللي فاعلينه
ولو نعدد فلا نحصي عددها
يعجز من الكتاب مدونينه
وتشهد بالفعل كل القبايل
اليا منه تجاهل منكرينه
اختام القول صلى الله وسلم
على محمد عسانا تابعينه

الشاعر/ناصر بن مدعث آل عمار

 

 

 

 

    

رد مع اقتباس