يامرحبـا يالتغلبـي لاعدمـنـاك=ياشاعر للمرجلـه تتعـب خطـاك
اكرب حزامك ياولـد لاهجدنـااك=سبع الاراضي تحت سبع السموات
الملعـبـه مـيـدان ياحمـيـدان=بينـي وبيـن الشايـب العـلـه
دكتور اداوي حضـره الوجعـان=اليـن يجفـل لالـمـح ضـلـه
وبك البقا يا شاعر ما به اقصـور=يا من بنيت لساحة الملعبة سـور
لكن ترى قدامـك الليـل دكتـور=سبع الاراضي تحت سبع السماوات
يالمسعري خلـك وسيـع بطـان=لامـن حضرنـا سيفكـم سـلـه
عن اذنكـم يـا ربعنـا الظفـران=لاجيتنـا لــه دمـعـه يهـلـه
الليـل تـوه يارفـيـع المـقـامي=بيني وبينك ضرب حامي بحامـي
لاكن قلي كيـف حـال الحرامـي=سبع الاراضي تحت سبع السموات
قبل امس اشوفك فارس الميـدان=واليـوم فرضـك ياولـد صـلـه
ياللي تحسبـون البقـر حيـران=دكانكـم تقفيلـه احـسـن لــه
إلى احتمى الميدان ياطير حـوران=يثور في وسط المياديـن بركـان
لاتقول كنت وكان ، ماكان قد كان=وسبع الاراضي تحت سبع السموت
اليوم وامـس وقبلهـا يـا فـلان=شربـت فنجـالٍ مــن الـدلـة
كنت أحسب الفارس بيده اعنـان=اثـر العـرب ماعنـدهـا مـلـة
كلايشـوف انـه يعـادل قبايـل=وانه علـى ماقيـل مثلـه قلايـل
مير البلا لاجاك علـم الصمايـل=سبع الاراضي تحت سبع السموات
لاوالله الاضـفـروا الشـيـبـان=فـي موقفـاً محداًنـديـدا لــه
مير البلا انـك شايبـا سهـران=بعـض الخوافـي لاتبيـن لــه
مادام ابن بطـي معـي يالسنافـي=النشمي اللـي فالمواجيـب وافـي
بامشي قدم مانيب أطالـع خلافـي=وسبع الأراضي تحت سبع السموات
اللي يغيب إن كـان وقتـه حـان=حطـه علـى يسـراك ثـم زلـه
شايـب ولكـن فاللـزوم حصـان=لكـن أظنـه جـا بـعـد حـلـه
انت ومديرك مالحقنا بكـم ريـب=احرار نسل احرار من ماكر الطيب
لاكن وسط الملعبه قدمكـم ذيـب=سبع الاراضي تحت سبع السموات
اللي يغيـب اليـوم غيـره بـان=ياللـي مسـوي ضااابـط الحلـه
يـاذا الحصـان بنكربـك بعنـان=ايليـن تتـرك مجلـس الشـلـه
أنا ومديري نمشي الـدرب قـدام=يوم إن بعض الناس في دنيته هام
يالمسعري طير الفلا فوقكم حـام=سبع الاراضي تحت سبع السموات
منته بابن شايق ولا ابـن سنـان=ميـر استـرح وحجاجكـم فلـه
قدامكـم شاعـر قـوي لـسـان=نـاره سمـر مـا نـاره بجلّـه
انا اشهد انك من عنا الوقت تعبان=نصيحتي حول من الرجم يافـلان
وترا الفلا وطيوره اشكال والوان=سبع الاراضي تحت سبع السموات
وحضرتـك لاملفـي ولاسلطـان=شايـب وتحـرق جنبـك الــه
من قوتك تالـي الزمـن بلشـان=يلعبكـم فـي ملـعـب السـلـه
يا لمسعري الله يذكـرك بالخيـر=وش فيك تال الليل ضيعت فالسير
ما فيه لو تحلم (تمسوا على خير)=سبع الأراضي تحت سبع السموات
من المساري ليش وجهك شـان=إن طعتنـي خـل الكبـر خـلـه
ماعنـدنـا جــدة ولا لبـنـان=ماعنـدنـا إلا صـالـي المـلـة