مساكم الله بالخير,,,
راشد السحيمي
الليـلـه الملعـبـه بالخـيـر محـفـوفـه = والنـاس كلـن بنفـسـه شـايـف شـوفـه
لـكـن الاهــداف منـظـوره ومعـروفـه =تبـي الصراحـه حقـوق الطبـع محفـوظـه
السمـاء صافيـه ميـر المصابـيـح ويــن = يالـعـل السـمـاء تطـلـع مصابيـحـهـا
صـار سلطـان مـثـل معـايـد القريتـيـن = عـنـده قـفـول ومـضـيـع مفاتيـحـهـا
ســلـــطـــان الــهـــاجـــري
ياحـرب صيـاف لــه عامـيـن متقـاعـد = والطـايـره تنتـظـر طـيار ومـسـاعـد
الله يعيـنـك تمـثـل حـــرب يـاراشــد = تبـي الحقيقـه حقـوق الطـبـع محفـوظـه
السماءصافيـه والـهـرش جــر الحنـيـن = والنـشـامـى تومـيـلـه مسابـيـحـهـا
انتـهـت فـتـرة الاشــواط والركلـتـيـن = وانـت حظـك علـى ركــلات ترجيحـهـا
راشد السحيمي
إن غــاب صـيـاف مانـتـرك مواقفـنـا = الـلـي تشرفـ بـنـا وهـــي تشـرفـنـا
الانــس والـجـن ياسلـطـان تعـرفـنـا = تبـي الحقيقـه حقـوق الطـبـع محفـوظـه
باقـة الـورد جايبـهـا المسـافـر منـيـن = وش تبـى بالـورود اليـا اختلـف ريحـهـا
انـت يمنـاك محفوفـه بسـمـن وسمـيـن = الله انــه يسـامـح حــرب ويبيـحـهـا
ســــــلـــــــطـــــــان
والنعـم فــي موقـفـك والمـوقـف الاول = اللـي يـهـول عـقـول الـنـاس ويـهـول
فـي راس قمـت جبـل مـاهـو بمتـحـول = تبـي الحقيقـه حقـوق الطـبـع محفـوظـه
جاتكـم مـن يسـار وجاتكـم مـن يمـيـن = الصقاقـيـر تـومـي فــي ملاويـحـهـا
الله انــه يـعـز المسلمـيـن اجمـعـيـن = والليـالـي مـتـى تـبـرى مجاريـحـهـا
راشد السحيمي
يالهاجـري مــن زمــان ادور الفـرصـه = كلـن مـن اصحابنـا ينفـخ علـى قـرصـه
من عقـب بـرج التجـاره غليـت البورصـه = تبـي الحقيقـه حقـوق الطـبـع محفـوظـه
راحــت العنصـريـه راحــوا الاولـيـن = واضـحـه ماطلبـنـا مـنـك توضيـحـهـا
الله انــه يـهــدي سـركــم الـدفـيـن =فـيـه حـاجـات مختلـفـه ملاميـحـهـا
ســــــلـــــــطـــــــان
والنعـم ياصاحبـي وافــي ولــد وافــي = والليـلـه اللـيـل ميقـافـك وميـقـافـي
الله يـعـزك ويشـفـي عــوق صيـافـي = تبـي الحقيقه حـقـوق الطـبـع محفـوظـه
ميـر ماتصلـح الحجـه بــدون القـريـن = صلحـوهـا ولــو ياصـعـب تصليحـهـا
انـت مثـل الاسـد واخـوك مثـل العـريـن = خلـنـا نجـمـع الاســـرار ونبيـحـهـا
راشد السحيمي
مشـكـور يالهـاجـري ياطـيـب السـيـرة = وابشـرك لاجلـس صيـاف جــاء غـيـره
واللـي يحـاول يساعـدنـا كـثـر خـيـره = تبـي الصراحـه حقـوق الطبـع محفـوظـه
انشد اهل النجـف ويـن الحسـن والحسيـن= قـول يـاويـح اهــل بـغـداد ياويحـهـا
انـت وقـت مـضـى ماتنـظـر الا بعـيـن = تطـلـب الـنـاس وتـجـدد تصاريـحـهـا
وتقبلوا تحياااااتي’’’