[معلومات العضو يحيى الودعاني]

	بسم الله الرحمن الرحيم زار الشاعر الشيخ فراج بن هيا آل براز الرجبان الدوسري أحد أصدقائه من غير الدواسر قال لهم فراج : وش رغبكم في هذا الضلع ، قالوا هذا عندنا كنه الوادي عند الدواسر ، فقال فراج هذه القصيدة : أعز من ضلعكم غرسي بالاوطاني = في موقع في قرار ما بني دونه مدهال ربعي و مدهالٍ لخلاني = وربعي إذا جاهم الغربي يسلونه عيد لهل ضمر لا جاو جيعاني = ومن ديرة الغرب لامن جاو ينصونه يقسم ثمرها على الجار والعاني = ويظهر لا صكوا البيان من دونه غرس حما لابتي ذربين ليماني = ومتعرضين بحد السيف من دونه تغذى له الخيل وسلاح وصبياني = ومن جا يبي حدهم لاهم يردونه والبل ورى حدهم ترعى بحداني = لا زان قفر الخلى لاهم يروسونه من عفجة الخرج لامن حد نجراني = حد آل زايد بني عمي يعرفونه ناسم عصى الجار يمشي بدون جيراني(1) = مهوب يوم اتقى زمله يهجونه ودايت الجار واسبابه بجدراني = ومن جدرهم جارهم راحوا يسوقونه و خويهم في الخلى يرفع بللحاني = ما خاف من اللي بعيد لا يبوقونه هيبة خويه وسلم عندهم باني = ما ياخذون الدراهم والدبش دونه و نعشي الضيف ونغديه صفطاني = ثلاثة أيام(2) للضيفان مضمونه سلم لنا والقبايل غير حقراني = له وجبة عندهم سلم يمشونه ولا نبيع اللحم والماء بالاثماني = وعيب حضار النخل(3) ياللي تحضرونه معاني الكلمات : 1- ناسم عصى الجار : من سلوم الدواسر وعاداتهم أن الجار والخوي يوضع وسم مجيره على عصاه ، ويمشي في بلاد الدواسر ما يتعرضه أحد . 2- ثلاثة أيام : وهي من كرم الدواسر للضيف " مثلوثة ". 3- احضار النخل : من عوايد الدواسر أن النخل لا يحاط به احضار " سور " حتى يتمكن الجائع من أخذ حاجته منه . رياض من الأدب الشعبي جمع وتأليف مبارك بن سيف بن غالب بن ذهيبان آل حميد الدوســـــــــــــــــري