السلام عليكم رحمة الله وبركاته
اسعد الله مساكم جميع
مصافحه بعد طول غياب عساها تشفع لي عندكم
ياهل المعالي والسعادة والقصور=ياهل البيوت الفاخره والزاهيه
ترى العمر لحظات تاليه القبور=تذكير موجز للقلوب الساهيه
من منكم اللي زار غبات البحور=زار السجين اللي عيونه باكيه
فرج همومه والزمن لقشر يدور=دفعت بلا لأهل العقول الواعيه
واللي مريض بالمرض وضعه دبور=وين انت يارعي اليدين الراهيه
ياكم فقير ماشكى حاله صبور=صابر كما صم الجبال الناهيه
ما تدفعه قدام عينك مايبور=يزيد مالك بصدقات جاريه
انفق وخلك طايع(ن) ربك شكور=وارحم وسامح خل نفسك صافيه
خلك على المدات والعليا جسور=ارقى سنود خل نفسك عاليه
لا صار ولد الاش دمه ما يفور=جعل الردي من داهيه في داهيه