في البدء ...
السلام*عليكم ورحمة الله وبركاته ..
*
أصافحكم أيها الأحبة بهذه المشاركة الأولى ،*
وهي قصيدة لخالي سالم بن دهيم الكاموخ*
الغييثي ، قالها بمناسبة زواج ابن العم ناصر*
بن قبلان بن ردعان بن خليفة الغييثي ، آملاً*
من المولى عز وجل أن تحوز على رضاكم .
سلام مني ياحضور الرجاجيل
في حفلةٍ فيها تصاغ القوافي
في حفلة ابن خليفة مفني الحيل
يوم السنين المجذبات العجافي
ناصر اليا عدو هل الكيف والهيل
فعله على راس الطويلة يشافي
وجده من اهل الفعل في ماضي الجيل
من اهل الثمان موردين الرهافي
لي لابةٍ في فعلها يطفح الكيل
محدٍ عطانا النايفات السهافي
وضحٍ عليهن نص الامة مغاليل
من دونهن خضر النمش يا مكافي
بيدين خطلانٍ تصد المقابيل
والجرح منهم مايرافيه رافي
يتلون أخو فرجة زعيم الحلاحيل
شيخٍ ولد شيخ وقرمٍ سنافي
ويفرح بنا النشر المطرف ليا شيل
لا طوحن بيض الصبايا الغدافي
نلحق على اللي كنهن المحاحيل
ونرد معها القوم ردٍ خلافي
وناصر مناسبٍ له رجالٍ مشاكيل
ترعى الطرف ماهيب منه تخافي
خيالة الحرشا ليا قيل ماقيل
الارواح تجلب دون حم الشعافي
قلته وانا ابن دهيم جزل التماثيل
وجداني اللي يحتمون المقافي
نحمى عقاب الجيش ونعقر الخيل
وندق خشم اللي بخشمه رعافي
والفعل مابين الرجاجيل قنديل
ماكل يومٍ فيه برد وعوافي
وصلاة ربي عد وبل الهماليل
عداد همالٍ على الارض ضافي
على نبيٍ فصل العلم تفصيل
تفصيل علمٍ ماخفى منه خافي
دمتم بود .*