عرض مشاركة واحدة
قديم 07-03-2008, 03:06 AM   #1
 
إحصائية العضو







بدران البدراني غير متصل

بدران البدراني is on a distinguished road


:e-e-5-: قصيدة ابن خثلان في رثاء ابن سويد ( رحمه الله ) .. !!

بسم الله الرحمن الرحيم

هذ القصيدة في رثاء الأمير المرحوم / أحمد بن عبدالله العلي آل سويد الدوسري آمير جلاجل- رحمه الله وأسكنه فسيح جنته :-

مرحوم يا أحمد يافقير الرجاجيل=اللي لهم في محفل الطيب قيمة
نطلب لك الله كل ماهود الليل =يدخلك في جنات عدن مقيمة
ياطيب المبدا بعيد المناويل= يالصيرمي نسل الحرار الصريمة
لوغبت ذكرك ينقله جيل الى جيل = لك في سجل المجد صفحة قديمة
لك مجلس يلقا به البن والهيل = وحيل تقلط للرجال الحشيمة
كريم سبلاء طيب الراس ومهيل=وعندك على الايام صبر وعزيمة
ينصاك من شاف العناء والغرابيل = وتفزع معه يابو اليدين الكريمة
يابن سـويد ماأحسن المدح لاقيل =في اللي سواتك فيه نخوة وشيمة
ابن الوطن مخلص لاجيت في ميل = الأصل طيب والنوايا سليمة
عسى السحاب اللي نشأ له هماليل = يمطر عليك ويعقب السيل ديمة
يمطر على قبرك قراح شهاليل =ويهب نسناس الهبوب بنسيمة
آمين يارب عليك التساهيل=يامدخل من أمنوا في نعيمه


قصيدة
الشيخ /حمد بن خثلان السبيعي
امير محافظة المجمعة

جريدة الجزيرة - 1416هــ


منتدى قبيلة الدواسر الرسمي
www.alduwasser.com



 

 

 

 

    

رد مع اقتباس