[معلومات العضو عبدالله الحافر الغييثي]

هذه قصيائد قيلت في قضية السجين نايف بن عساف الغييثات المسجون في قضية قتل بينه وبين احد ابناء عمومته الشينه بعد ان نزغ الشيطان بينهما بدون اي سوابق من عداوة او بغضاء وانما موضوعهم كحادث السيارة اتى فجأه ,,اسال الله ان يتغمد القتيل بواسع رحمته ويلهم اهله وذويه الصبر والسلوان ويعتق رقبة نايف بن عساف من القصاص

وهذه قصيدة والدة السجين بأنشاد الشاعر الكبير/فهيد بن محسن النتيفات

[/QUOTE]

وهذه قصيدة الشاعر/عبدالله بن جابر الغييثات بانشاد /اليامي

ياطير ياللي تحوم الجو متعلي=احمل سلامي وود العلم لاصحابه
لاجيت فوق الدواسر فانخفض ملي=وارفع بصوت يهز طويق وشعابه
ازهم في دوسر وباذن الرب تنحلي=واد الخبر من سجين قفلت ابوابه
نايف ورا الباب يرجي وقفة الكلي=وامه تصيح وترجا طول غيابه
عشر سنوات مضت والحال منسلي=والحزن والهم طول الوقت تحضابه
تنخا شيوخ تفك الحبل وتحلي=تقدم على المعضلة وتوثق الجابه
ورا شيوخ الدواسر تطلب الظلي =وتشكي عليهم زمان كشر انيابه
تقول ياعز منهو صار متبلي=تكفون وقفاتكم في مثل ذا النابه
تكفون يامحزم اللي صار منشلي=تكفون نايف ترا امه مالها الابه
تقول يالابتي خلوه ياصلي=ردو علي الرجا وانتو رجانابه
وتخص فرحان زبن الكايده واللي=بعد الله اليوم جينا والتجينابه
ودهس دهس لاوصله العلم ماكلي=امه ترجاك وانت العفو ترضابه
وتنخاك يامحمد اللي للوفا دلي=العفو طبع الوفي والخير تزهابه
هذا قدر ربي وهذا الذي حلي=والحمدلله على ماقدر وجابه

الشاعر/شافي بن راشد النتيفات