ماعليكم زود جميع ومشكورين يالمنتدى على التصوير والله لايهينكم على جهودكم البيّنه ولاهيب غريبه عليكم
اقتباس:
المشاركة الأصلية كتبت بواسطة الإداره
ثم ألقى الشاعر عبدالله الاسلمي الشمري قصيدةً بهذا الحفل
، حيث يقول في قصيدته :
نبدآ بذكرك يابديع السموات=فردن صمد علآ الخلايق وكيلي
نكرر اسمه بالدعا والتحيات=ونرجيه عطفه بالنهار الهويلي
من بعدها عندي تحيات وأبيات=والحكمه اتجي بالكلام القليلي
سلام يهدآ للدواسر بباقات=والزعفران يحوفه الزنجبيلي
من قوها يمكن يقومون الأموات=ويشوش رآسن بالعدامه طويلي
ياويش إسوي في لزوم الخييلات=تعبت أنقي بالكلام الجزيلي
أن جبت هذي شفت أنا الثانيه جات=تسري بي الأفكار وتهد حيلي
ونقيت لي خيلن ذبحها المحاتات=تقول تكفى سر للقوم ليلي
قلت أبشري وإنا زبون الونيات=أنا خليلك قولي انته خليلي
لأجل الدواسر مانحسب المسافات=غالين والداعي رفيق وزميلي
قومن لهم في صفحة المجد بصمات=ماتنمحي عبر الزمان المحيلي
دورة رحاهم فالسنين القديمات=تعلم اللي ضاع واخطا الدليلي
أنتو العظام أهل السيوف المحنات=لابار في حق العميل العميلي
خيالة الشرفا جبال السروات=مدلهة صدر الرفيق العليلي
صغيركم دآيم كفوفه كريمات=له مدتن تعجز كثير الحصيلي
وكبيركم راهي عزوم وكرامات=مجلسه يحسب للطراقا سبيلي
يابنت غني والعبي فالمباهات=تغلب ذراتس اللي ترد الجميلي
خوتكم علاج الجروح العطيبات=وسيوفكم جرح الفؤاد الغليلي
وإنا من عيال الرجال المسمات=شمر وشمر ماتمد الهزيلي
لنا علآ مرقاب الأجواد حومات=ومن خلقة الدنيا مافينا ذليلي
ولا علآ باق القبآيل مراوات=كلن بهم فيه المدآيح تميلي
وياسامعي خذ من لساني وصيات=ولاعليكم زود من كل جيلي
خذ الدواسر في لزومك وبالذات=لاصار باشد اللوازيم خييلي
|
|
صح لسان السنعوسي من الوادي الى جبل شمر
بيض الله وجهه بياض الرضا
وجه الصحيح